Апрель 2021
29 Апрель 2021
Амалиётҳои фаврӣ дар давраи тухмигузории моҳиҳо дар ноҳияи Ҷаббор Расулов
- Подробности статьи
- Автор
- Категория Навидҳо
Тибқи фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31.03.2021, № 29 ва сардори Раёсати ҳифзи муҳити зисти вилояти Суғд аз 1.04.2021 №15 «Дар бораи амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021» нозирони бахшҳои ҳифзи муҳити зисти шаҳру ноҳияҳо мунтазам амалиётҳои фаврӣ гузаронида шуда истодааст. Нозирони бахши ҳифзи муҳити зисти ноҳияи Ҷ.Расулов ҳангоми гузаронидани амалиёти назоратӣ дар соҳили Сирдарё, ҷамоати Деҳмой, деҳаи Гулистон ва Заркор зиёда аз 200 метр тӯри моҳидорӣ, олоти моҳидории чангак ва як қайиқи резинии бесоҳибро мусодира намуда, моҳиҳои зинда ба об сард дода шуд.
28 Апрель 2021
Аксияи «Тозагии соҳил» дар шаҳри Хуҷанд
- Подробности статьи
- Автор
- Категория Навидҳо
Бо иқдоми шуъбаи ҳифзи муҳити зисти шаҳри Хуҷанд бо ҷалби ҳашарчиён ҷиҳати дар сатҳи баланд истиқбол намудани ҷашни 30 солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019-2021 дар хиёбони Раҳмон Набиев соҳили дарёи Сир аксияи «Тозагии соҳил» гузаронида шуд. Дар аксия зиёда аз 300 нафар - устодону донишҷӯёни муассисаҳои миёнаи касбӣ ва олии шаҳр иштирок намуда, соҳили дарёи Сир аз партовҳои маишӣ ва алафҳои бегона пурра тоза гардида, ба партовгоҳи шаҳр 4,5 м3 партов бароварда шуд. Боиси зикр аст, ки гузаронидани чунин аксияҳо дар доираи нақшаи чорабиниҳои мақомоти ҳифзи муҳити зист оид ба Даҳсолаи байналмилалии амал «Об барои рушди устувор, 20018-2028» мунтазам роҳандозӣ гардида истодааст. Чорабинии мазкур дар телевизионҳои маҳаллӣ инъикос карда шуд.
Аксияи «Тозагии маҳал» дар ноҳияи Айнӣ
- Подробности статьи
- Автор
- Категория Навидҳо
Бо мақсади тозаву обод намудани маҳалли зист, бахшида ба 30-солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021 дар ноҳияи Айнӣ аксияи «Тозагии маҳал» гузаронида шуд. Аксия бо ҷалби 430 нафар - аҳолии ҷамоатҳо, кормандони ташкилотҳо доир гардида, дар рафти он ҷӯйборҳо ба масофаи 3,1 км, соҳилҳои обӣ ва каналу заҳбурҳо 4,8 км, роҳравҳо ба масофаи 3,5 км тоза карда шуда, ба партовгоҳи ноҳия 1,9 м3 партов бароварда шуд. Баргузории чунин шанбегиҳои оммавӣ дар миқёси ноҳия идома дорад.
Аксияи «Тозагии маҳал» дар ноҳияи Бобоҷон Ғафуров
- Подробности статьи
- Автор
- Категория Навидҳо
Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву созандагӣ дар сойи Хоҷабоқирғони ҷамоати деҳоти Ёва-и ноҳияи Бобоҷон Ғафуров аксияи «Тозагии маҳал» бо иштироки 1514 нафар аҳолии ҷамоат, кормандони ташкилотҳо, сокинон, омӯзгорон ва хонандагони муассисаи таълимии № 10 доир гардид. Дар рафти аксия ҷӯйборҳо 9,1 км, ҳудуд 44,6 ҳазор мураббаъ, қади роҳҳо 21,4 км тоза, 823 бех дарахтон сафед карда шуда, ба партовгоҳи ноҳия ба миқдори 40,13 м3 партовҳо бароварда шуд.
Аксияи «Тозагии соҳил» дар шаҳри Бӯстон
- Подробности статьи
- Автор
- Категория Навидҳо
Бо мақсади тозаву озода нигоҳ доштани соҳилҳои дарё ва дигар манбаъҳои обӣ, амалӣ намудани нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон дар кӯли шаҳрии Бӯстон ва шафати роҳи протоколӣ аксияи «Тозагии соҳил ва маҳал» гузаронида шуд. Дар аксия 250 нафар - намояндагони муассисаҳои тандурустиву маориф ва омӯзгорону хонандагони гимназияи № 2-и шаҳр фаъолона иштирок намуда, 1 км ҷӯйбор ва 2 км қадди роҳҳо тоза карда шуда, 8 м3 партов ба партовгоҳи шаҳр бароварда шуд.
23 Апрель 2021
Таҷлили Рӯзи умумиҷаҳонии замин дар Раёсати ҳифзи муҳити зисти вилояти Суғд
- Подробности статьи
- Автор
- Категория Навидҳо
Санаи 22.04.2021 дар толори раёсат бахшида ба 22 апрел - Рӯзи умумиҷаҳонии замин семинари амалӣ таҳти унвони «Замин – кафили амнияти озуқаворӣ» баргузор гардид. Дар кори семинари мазкур кормандони шуъбаҳои раёсат ва мутахассисони ҷавони шуъбаю бахшҳои ҳифзи муҳити зисти шаҳру ноҳияҳо, ба назорати самти ҳифзи замин вобаста мебошанд иштирок намуданд. Дар оғози семинар сухани ифтитоҳии муовини сардори раёсат шунида шуд. Минбаъд, мувофиқи барномаи чорабинӣ аз ҷониби сардори шуъба ва сармутахассисони таҷрибадори раёсат баромадҳо дар мавзӯи «Роҳҳои беҳтар намудани ҳолати мелиоративии заминҳои корами вилояти Суғд», «Истифодаи захираҳои замин ва оқибати экологии он» ва «Ҳолати мелиоративии заминҳои корами шаҳри Исфара» пешкаши иштирокдорон гардид.
Амалиёти “Ҳавои тоза” дар ноҳияи Зафаробод
- Подробности статьи
- Автор
- Категория Навидҳо
Тибқи нақшаи кории мақомоти ҳифзи муҳити зист аз ҷониби мутахассисони шуъбаи назорати таҳлилӣ, бахши ҳифзи муҳити зист ва намояндаи БДА-и ноҳияи Зафаробод бо мақсади кам намудани ихроҷи моддаҳои зараровар ба ҳавои атмосфера дар ҳудуди ноҳия амалиёти «Ҳавои тоза» гузаронида шуд. Рафти амалиёт 28 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян нагардид.
Корҳои ободонӣ дар ноҳияи Масчоҳ
- Подробности статьи
- Автор
- Категория Навидҳо
Бо мақсади дар сатҳи баланд истиқбол гирифтани ҷашни миллии 30-солагии Истиқлолияти давлатии Ҷумҳурии Тоҷикистон ва амалӣ намудани нақшаи чорабиниҳои он, вусъат бахшидан ба корҳои ниҳолшинонӣ ва кабудизоркунӣ дар Боғи фарҳангии «Тоҷикистон»-и ноҳияи Масчоҳ 6400 адад гулҳои ороишии мавсимӣ шинонида шуд. Ҳамчунин баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади ободу зебо намудани гирду атрофи биноҳои маъмурӣ дар назди бинои бахш гулҳои мавсимиву ороишӣ шинонида шуд.
22 Апрель 2021
Амалиёти «Ҳавои тоза» дар ноҳияи Ҷаббор Расулов
- Подробности статьи
- Автор
- Категория Навидҳо
Тибқи нақшаи кории раёсат аз ҷониби мутахассисони шуъбаи назорати таҳлилӣ, бахши ҳифзи муҳити зист ва намояндаи БДА-и ноҳияи Ҷ.Расулов бо мақсади кам намудани ихроҷи моддаҳои зараровар ба ҳавои атмосфера дар роҳи нақлиётгарди Ҷ.Расулов - Исфана амалиёти «Ҳавои тоза» гузаронида шуд. Дар рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Дар рафти амалиёт нисбати ронандаи 1 адад воситаи нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кард, протоколи ҳуқуқвайронкунии маъмурӣ тартиб дода шуд ва барои чораандешӣ ба БДА-и ноҳия ирсол гардид.
21 Апрель 2021
Вохӯрии сардори Раёсати ҳифзи муҳити зисти вилояти Суғд Ҳакимзода А.Қ. бо Сафири фавқуллода ва мухтори Ҷумҳурии Украина дар Тоҷикистон Серватюк В.Н. ва намояндагони ширкати «Днепроэнергосталь»
- Подробности статьи
- Автор
- Категория Навидҳо
Санаи 20 апрели соли 2021 дар толори раёсат вохӯрии сардори Раёсати ҳифзи муҳити зисти вилоят Ҳакимзода А.Қ. бо Сафири фавқуллода ва мухтори Ҷумҳурии Украина дар Тоҷикистон Серватюк В.Н., директори генералии ширкати илмӣ – истеҳсолии «Днепроэнергосталь» Осипенко В.В. ва муовини ӯ Семирягин С.В. баргузор гардид. Вохӯрии мазкур тибқи барномаи ташрифи ҳайати ширкати «Днепроэнергосталь»-и Ҷумҳурии Украина ба вилояти Суғд ба амал омада, ба масъалаҳои экологӣ, аз он ҷумла вобаста ба пешгирии ифлосшавӣ ва ҳифзи ҳавои атмосфера бахшида шуд. Ширкати номбурда бо истеҳсоли таҷҳизотҳои тозанамоии чангу газ барои корхонаҳои саноатие, ки партовҳои моддаҳои ифлоскунандаро ба ҳавои атмосфера доранд, машғул мебошад. Тибқи нақшаҳои пешбинигардида, то охири соли равон дар ҳудуди КВД «Садаф»-и шаҳри Хуҷанд якҷоя бо ширкати «Днепроэнергосталь» ташкили корхонаи муштарак, ки чунин таҷҳизотҳоро истеҳсол менамояд амалӣ мегардад.