Апрель 2021
16 Апрель 2021
Вохӯрӣ дар муассисаи таълимии шаҳри Гулистон
- Подробности статьи
- Автор
- Категория Навидҳо
Бо мақсади гузаронидани корҳои ташвиқотиву тарғиботӣ, баҳри иҷрои нақшаи чорабиниҳо, таъмини ташвиқу тарғиби моҳияти Даҳсолаи байналмилалии амал «Об барои рушди устувор, 2018-2028», бахшида ба рӯзи донишҳои экологӣ дар муассисаи таълимии миёнаи умумии № 14-и шаҳри Гулистон бо хонандагон вохӯрӣ ташкил ва гузаронида шуд. Зимни вохӯрӣ кормандони бахши ҳифзи муҳити зист ба хонандагон оид ба мақсади таҷлили санаҳои экологӣ, ҳифз ва нигаҳдории захираҳои обӣ, олами набототу ҳайвонот ва захираҳои моҳӣ, тағйирёбии иқлим, ки яке аз мавзӯҳои актуалӣ ба ҳисоб меравад, баромад намуд. Дар интиҳои вохӯрӣ аз ҷониби кормандони бахш ба хонандагони фаъол ва омӯзгори фанни экология ифтихорнома ва сипосномаҳо тақдим гардид.
14 Апрель 2021
Рӯзи дониши экологӣ дар муассисаи таълимии ноҳияи Ҷаббор Расулов
- Подробности статьи
- Автор
- Категория Навидҳо
Гузаронидани корҳои ташвиқотиву тарғиботӣ дар муассисаҳои таълимӣ бахшида ба санаҳои экологӣ ба ҳукми анъана даромадааст. Дар асоси нақшаи кории мақомоти ҳифзи муҳити зист кормандони бахш дар муассисаи таълимии миёнаи умумии № 13-и ноҳияи Ҷаббор Расулов дар дарси кушоди синфҳои болоӣ таҳти унвони «Ҳифзи табиат ҳифзи Ватан аст» иштирок намуданд. Рафти вохӯрӣ намояндагони бахш ба хонандагон дар бораи ҳадафи асосии таҷлили ин санаи экологӣ, ҳифз ва нигаҳдории захираҳои табиӣ, саҳми хонандагон дар беҳбудии муҳити зист суханронӣ намуда, ба саволҳои хонандагон оид ба ҳифзи табиат ҷавобҳои мушаххас доданд.
Рӯзи дониши экологӣ дар муассисаи таълимии шаҳри Исфара
- Подробности статьи
- Автор
- Категория Навидҳо
Бахшида ба Рӯзи умумиҷаҳонии дониши экологӣ, бо мақсади баланд бардоштани дониш ва маърифати экологӣ дар «Гӯшаи Амрикоӣ», воқеъ дар муасиссаи таҳсилоти миёнаи умумии № 2 бо иштироки намояндаи бахши ҳифзи муҳити зисти шаҳри Исфара семинар баргузор гардид. Дар семинар корманди бахш ба хонандагон доир ба вазъи экологӣ ва муаммоҳои ҷойдоштаи он, ҳолати партовгоҳҳо ва таъсири он ба муҳити зист, истифодабарии оби нӯшокӣ ва сифати он баромад намуд. Хонандагон низ дар мавзуъҳои ҳифзи табиат ва нигахдории захираҳои он, самаранок истифода бурдани об, напартофтани партовҳо дар ҷойҳои ҷамъиятӣ баромадҳо пешниҳод намуданд.
Вохӯрӣ дар муассисаи таълимии ноҳияи Ашт
- Подробности статьи
- Автор
- Категория Навидҳо
Бо иқдоми бахши ҳифзи муҳити зисти ноҳияи Ашт бахшида ба Рӯзи умумиҷаҳонии донишҳои экологӣ дар гимназияи № 2 бо иштироки омӯзгорони фанни география ва хонандагон вохӯрӣ гузаронида шуд. Намояндагони бахш аз хонандагон даъват ба амал оварданд, ки барои беҳбудиимуҳити атроф, тозаву обод нигоҳ доштани гирду атрофи мактаб ва маҳалли зист, баланд бардоштани дониши экологӣ саҳмиарзандаи худро гузоранд.
15 апрел – Рўзи умумиҷаҳонии дониши экологӣ
- Подробности статьи
- Автор
- Категория Навидҳо
Ҳамасола санаи 15 – апрелро дўстдорони табиат чун Рўзи умумиҷаҳонии дониши экологӣ таҷлил менамоянд. Ин иқдом соли 1992, зимни баргузории Конфронси СММ дар шаҳри Рио-де-Жанейро, ки масъалаҳои доғи рушди устувори аҳли башар муҳокима мегардид, ба ҳукми анъана даромад. Тарбия ва маърифати экологӣ – фаъолият доир ба ташаккули маданияти экологӣ, муносибати эҳтиёткорона ба муҳити зист ва таъмини донишҳои экологӣ мебошад. Ҳадафи асосии таҷлили ин рӯз - пешбурди донишҳои экологӣ, ташаккули маърифати экологии аҳолӣ, бохабар намудани ҷомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест.
13 Апрель 2021
Баррасии мактуби шикоятӣ дар ноҳияи Спитамен
- Подробности статьи
- Автор
- Категория Навидҳо
Аз ҷониби кормандони шуъбаи назорати таҳлилии Раёсати ҳифзи муҳити зисти вилоят дар асоси мактуби шикоятии раиси ҷамоати деҳоти Сарбанди ноҳияи Спитамен оид ба ифлос кардани муҳити зист бо чангу ғубор аз тарафи заводи истеҳсоли сементи ҶДММ "Суғд семент" - и ноҳияи Мастчоҳ ченкунии инструменталӣ гузаронида шуд. Ҳангоми ташхис муайян гардид, ки миқдори чанги ғайриорганикӣ аз консентратсияи ҳадди ҷоиз зиёд ба қайд гирифта шудааст. Нисбати роҳбари ҶДММ "Суғд семент" бо дастрасии моддаи 224 протоколи ҳуқуқвайронкунии маъмурӣ тартиб дода шуда, барои баррасӣ ба бахши ҳифзи муҳити зисти ноҳия фиристода шуд.
10 Апрель 2021
Корҳои фаҳмондадиҳӣ дар давраи манъи сайди моҳӣ
- Подробности статьи
- Автор
- Категория Навидҳо
Тибқи фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31.03.2021, № 29 ва сардори Раёсати ҳифзи муҳити зисти вилояти Сугд аз 1.04.2021 №15 «Дар бораи амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021» аз тарафи нозирони бахшҳои ҳифзи муҳити зисти шаҳру ноҳияҳо амалиётҳои фаврӣ ва корҳои фаҳмондидаҳӣ гузаронида шуда истодааст. Бо ин мақсад дар ҷамоати деҳоти Деҳмой, минтақаи Туқай соҳили Сирдарё нозирони бахши ҳифзи муҳити зисти ноҳияи Ҷаббор Расулов амалиёти назоратӣ гузаронида шуда, ба шоликорони маҳаллӣ оид ба моҳияти фармоиши мазкур корҳои ташвиқотӣ гузарониданд.
07 Апрель 2021
Сайди моҳӣ манъ аст!
- Подробности статьи
- Автор
- Категория Навидҳо
Бо мақсади муҳофизат ва нигоҳдории захираҳои моҳиҳои обанборҳои вилоят, фароҳам овардани шароити мусоид ба рафти афзоиши табиӣ ва роҳ надодан ба қонуншиканиҳо дар давраи тухмигузории моҳӣ, тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31 марти соли 2021, № 29 дар асоси моддаи 9-и Қонуни Ҷумҳурии Тоҷикистон «Дар бораи ҳифзи муҳити зист», моддаҳои 31 ва 32-и Қонуни Ҷумҳурии Тоҷикистон «Дар бораи олами ҳайвонот», моддаи 24-и Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ», ва банди «а» моддаи 17-и «Қоидаҳои моҳидорӣ дар обанборҳои аҳамияти моҳидоридоштаи Ҷумҳурии Тоҷикистон» аз санаи 1 апрел то 15 июни соли 2021 дар давраи тухмигузории моҳиҳо хамагуна моҳидорӣ манъ карда шудааст. Телефони боварӣ: (83422) 6–59–81, 6–03-95
Натиҷагирӣ аз фаъолияти Раёсат дар семоҳаи якуми соли 2021
- Подробности статьи
- Автор
- Категория Навидҳо
Санаи 6 апрели соли равон дар Маркази бозомӯзии Раёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолият дар семоҳаи якуми соли 2021 ва вазифаҳои минбаъда бо иштироки мудири бахши кишоварзии мақомоти иҷроияи ҳокимияти давлатии вилоят Акбаров С. баргузор гардид. Рафти ҷаласа ҳисоботи муовини сардори Раёсат оид ба ҷамъбасти фаъолият дар семоҳаи якуми соли 2021 шунида шуд. Сардори Раёсати ҳифзи муҳити зисти вилояти Суғд Ҳакимзода А.Қ. аз роҳбарони зерсохторҳо дар шаҳру ноҳияҳо ва сардорони шуъбаҳои назоратии Раёсат пурсиш ба амал оварда, барои ислоҳи камбудиҳои ҷойдошта ва пешрафти фаъолияти минбаъда дастуру супоришҳо дод. Ҳамчунин зимни баромади худ оид ба тозаву обод нигоҳ доштани муҳити зист, вусъат бахшидан ба корҳои ободониву созандагӣ бахшида ба 30 солагии Истиқлолияти давлатии Ҷумҳурии Тоҷикистон таъкид карда шуд.
05 Апрель 2021
Ба таваҷҷӯҳи рӯзноманигорон!
- Подробности статьи
- Автор
- Категория Навидҳо
Раёсати ҳифзи муҳити зисти вилояти Суғд ба маълумоти Шумо мерасонад, ки Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати Ҳукумати Ҷумҳурии Тоҷикистон дар самти баланд бардоштани маърифати экологии аҳолӣ ва ҳавасмандии рўзноманигорон ҷиҳати тарғиби ҳифзи муҳити зист, ташвиқи моҳиятиДаҳсолаи байналмилалии амал «Об барои рушди устувор, 2018-2028», «Солҳоирушдидеҳот, сайёҳӣ ва ҳунарҳоимардумӣ» ва омодагӣ ба ҷашни 30-солагии Истиқлолияти давлатии ҶумҳурииТоҷикистон дар байни кормандони васоити ахбори омма барои беҳтаринмаводижурналистӣ дар мавзӯи «30 соли Истиқлолияти давлатӣ - қадамҳои устувор дар ҳифзи муҳити зист» озмун эълон менамояд.