Май 2021

08 Май 2021

10 май - Рӯзи умумиҷаҳонии парандаҳои муҳоҷир

  Рӯзи умумиҷаҳонии парандаҳои муҳоҷир (WMBD) аз соли 1993 инҷониб бо дархости парандашиносони (орнитологҳои) ташхисгоҳи Корнеллии ИМА ҳар рӯзи шанбеи дуюм ва якшанбеи дуюми моҳи май таҷлил мегардад ва асосан дар он ҷо ҷашн гирифта мешавад. Аксарият давлатҳо дар як сол ду маротиба - шанбеи дуюми моҳи май ва шанбеи дуюми моҳи октябр ҷашн мегиранд. Ҳадафи ин сана - ҷалби таваҷҷӯҳи бештари ҷомеа ба тағироти вазъи глобалии экологӣ мебошад, ки ба нобудшавии экосистемаи манзилҳои парандаҳо ҳам дар тобистон ва ҳам дар зимистон мусоидат мекунанд. Инчунин, баргардонидани он шароити табиӣ мебошад, ки барои парандаҳои муҳоҷир ҷиҳати парвариши насл ва муҳоҷират шинос ва қулай мебошанд. Инчунин ба қадри имкон васеътар огоҳ кардани аҳолӣ дар бораи аҳамияти нигоҳ доштани саршумор ва парандаҳои муҳоҷир мебошад.

Читать далее

07 Май 2021

Амалиёти назоратӣ дар ноҳияи Ҷ.Расулов

 Дар асоси нақшаи кории мақомоти ҳифзи муҳити зист, ҳангоми гузаронидани амалиёти назоратӣ аз ҷониби кормандони бахши ҳифзи муҳити зисти ноҳияи Ҷаббор Расулов дар ҷамоати деҳоти Сомониён ғайриқонунӣ истихроҷ намудани канданиҳои фоиданоки маъмули умум ошкор гардид. Дар натиҷа нисбати қонуншиканон - сокинони ноҳия Ҳошимбоев А. ва Элмуродов Д. бо моддаи 238 - и Кодекси ҳуқуқвайронкунии маъмурӣ протокол тартиб дода шуд.

Читать далее

Ҷамъбасти фаъолияти моҳонаи ситоди Раёсат дар давраи манъи сайди моҳӣ

  Чорабиниҳои ҳифзкунандаи моҳӣ дар мавсими тухмигузории соли ҷорӣ идома доранд ва тибқи нақшаи пешбинигардида фаъолияти ситоди раёсат дар давраи манъи сайди моҳӣ дар 15-рўзаи дуюм ва моҳи апрел ҷамъбаст гардид. Натиҷаҳои корбарии якмоҳа нишон доданд, ки баҳри иҷрои талаботи қонунгузории соҳаи ҳифзи муҳити зист дар самти мазкур ва фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31.03.2021, №29 ва сардори Раёсати ҳифзи муҳити зисти вилоят аз 1.04.2021 №15 «Дар бораи амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021» аз тарафи нозирони шуъбаи раёсат ва шуъбаю бахшҳои ҳифзи муҳити зисти шаҳру ноҳияҳо як қатор корҳои назаррас ба анҷом расонида шудааст.

Читать далее

05 Май 2021

Амалиёти “Ҳавои тоза” дар ноҳияи Масчоҳ

Бахшида ба ҷашнҳои миллии дар пеш истода, бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории мақомоти ҳифзи муҳити зист, кормандони шуъбаи назорати таҳлилии Раёсат ва бахши ҳифзи муҳити зисти ноҳия  дар шоҳроҳи Хуҷанд –Чаноқ  амалиёти «Ҳавои тоза» гузарониданд.  Рафти амалиёт 20 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.

Читать далее

Аксияи «Тозагии маҳал» дар шаҳри Хуҷанд

Бо мақсади беҳтар намудани вазъи экологии муҳити зист, сазовор пешвоз гирифтани идҳои давлатии миллӣ ҷиҳати вусъат бахшидан ба корҳои ободонӣ, дар микроноҳияи 28 то маҳаллаи 34-уми шаҳри Хуҷанд аксияи “Тозагии маҳал” гузаронида шуд. Дар аксия 340 - нафар хонандагон ва омӯзгорони муассисаҳои таълимии миёнаи умумии №№ 10 ва 13 фаъолона иштирок намуда, кӯчаҳои қадди роҳҳо аз алафҳои хушкшуда тоза гардида,  4,2 метри мукааб партовҳо ба партовгоҳ бароварда шуд.Гузаронидани корҳои тозагиву ободонӣ дар дигар маҳаллаҳои маркази вилоят идома дорад.

Читать далее

Амалиётҳои назоратӣ дар шаҳри Хуҷанд

  Дар асоси фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти вилояти Суғд оид ба амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021 аз тарафи кормандони шуъбаи ҳифзи муҳити зисти шаҳри Хуҷанд  амалиётҳои назоратӣ гузаронида шуда истодааст. Давоми моҳ аз тарафи кормандони шуъба ба мағозаву  қаҳвахонаҳои шаҳр 15 адад амрнома оиди ғайриқонунӣ хариду фурӯши моҳӣ дода шуда, 15 адад санаду протоколҳо тартиб дода шуд. Ҳангоми  гузаронидани амалиёт дар ҳудуди бозори «20 солагии Истиқлолият» барои хариду фурӯши ғайриқонунии моҳӣ нисбати Дадобоева М. ва Тураева Д. протоколҳои ҳуқуқвайронкунии маъмурӣ тартиб дода шуда, дар байни фурӯшандагон корҳои фаҳмондадиҳӣ гузаронида шуд.

Читать далее

Амалиёти “Ҳавои тоза” дар шаҳри Конибодом

  Бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории мақомоти ҳифзи муҳити зист дар ҳамкорӣ бо Бозрасии давлатии автомобилӣ дар шаҳри Конибодом амалиёти «Ҳавои тоза» гузаронида шуд. Рафти амалиёт 28 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

Читать далее

Аксияи «Тозагии маҳал» дар ноҳияи Зафаробод

  Бо мақсади сазовор истиқбол гирифтани 30-солагии Истиқлолияти давлатии Ҷумҳурии Тоҷикистон, тозаву обод ва беҳбудӣ бахшидан ба ҳолати экологӣ бо иқдоми бахши ҳифзи муҳити зисти ноҳия назди партовгоҳи марказии КДВ ХМК, воқеъ дар ҳудуди ҷамоати шаҳраки Зафаробод аксияи «Тозагии маҳал» гузаронида шуд. Дар аксия донишҷӯёни коллеҷи политехникӣ, литсеи касбии саноатӣ- кишоварзӣ ва омӯзгорони муассисаҳои таълимӣ иштирок намуда, ҳудуди назди партовгоҳ аз партовҳои гуногуни полиэтиленӣ ва қоғазпораҳо пурра тоза карда шуд.

Читать далее

Амалиётҳои назоратӣ дар самти ҳифзи захираҳои моҳӣ дар ноҳияи Б.Ғафуров

   Шуьбаи ҳифзи муҳити зисти ноҳияи Бобоҷон Ғафуров тибқи фармоиши сардори Раёсати ҳифзи муҳити зисти вилоят ва иҷрои нақшаи чорабинӣ дар давраи манъи сайди моҳӣ мунтазам амалиётҳоиназоратӣ гузаронида истодааст. Ҳангоми гузаронидани чунин амалиёти навбатӣ аз тарафи нозирони шуъба дар ҳудуди ҷамоати деҳоти Исфисор минтақаи Шӯркул зиёда аз 200 метр тӯрҳои бесоҳиб дарёфт ва мусодира гардида, тариқи сӯзонидан несту нобуд карда шуд.

Читать далее

Ифтитоҳи мағозаи «Олами паранда ва ҳайвонот» дар шаҳри Хуҷанд

  Дар маҳаллаи Мевағули шаҳри Хуҷанд бо иштироки роҳбарият ва кормандони мақомоти ҳифзи муҳити зисти вилоят, Кумитаи бехатарии озуқавории вилоят, табиатдӯстон ва сокинони маҳалла мағозаи «Олами паранда ва ҳайвонот» мавриди баҳрабардорӣ қарор дода шуд. Мағозаи мазкур бо мақсади тарғиби зебоипарастӣ ва табиатдўстӣ, баланд бардоштани маърифати экологии аҳолӣ ташкил гардида, беш аз 25 намуди паранда, зиёда аз 50 намуди моҳичаҳо, 10 намуди гурба, якчанд намуди хазандаю ҳашароти баҳрӣ бо шароити лозимии нигоҳдорӣ барои тамошо ва фурўш гузошта шудааст.

Читать далее

Скачано с веб-сайта JooMix.org.