Май 2021

17 Май 2021

15 май - Рӯзи байналмилалии иқлим

Подробности статьи: Автор; Категория Новости

Дар солҳои охир масъалаи тағйирёбии иқлим таваҷҷӯҳи ҷомеаи ҷаҳониро фаро гирифтааст. Зеро тағйирёбии иқлим ба муҳити зист низ таъсири манфии худро мерасонад. Бори аввал масъалаи тағйрёбии иқлим дар сатҳи ҷаҳонӣ соли 1992 дар Саммити Замин дар Рио де-Жанейро баррасӣ шуд. Зиёда аз 180 кишвари ҷаҳон, аз ҷумла Русия ва кишварҳои собиқи ИҶШС Конвенсияи чаҳорчӯбаи СММ оид ба тағирёбии иқлимро имзо карданд. Саволе пайдо мешавад, ки кадом омилҳо боиси тағйирёбии иқлим мегардад? Иқлимшиносон яке аз сабабҳои пайдоиши тағйирёбии иқлимро дар кураи замин ба хориҷшавии газҳои парникӣ нисбат медиҳанд.

12 Май 2021

Аёдати собиқадорони соҳа бахшида ба Иди саиди Фитр

Подробности статьи: Автор; Категория Новости

Тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати собиқадорони соҳа дар арафаи ҷашну идҳои миллӣ аз ҷониби мақомоти ҳифзи муҳити зисти вилоят ба ҳукми анъана даромадааст. Дар арафи Иди саиди Фитр собиқ сардорони Раёсат, ки ҳоло дар нафақаанд – Султонов А.А. ва Умаров Н.У., собиқадорони соҳа, ки солҳои тӯлонӣ дар соҳаи ҳифзи муҳити зист фаъолият кардаанд – Абдувалиев А.К., Тӯхтабоев Ю., Нуралиев Ё. (Деваштич), Шукуров О. (Деваштич), Болтуев Д. (Б.Ғафуров), Ҳакимхӯҷаева Ф., Нурматова М., Турсунова М., Садриддинова С., Амонов А. (Конибодом), Халилзода Ш. (Айнӣ), Шодиев Т. (Зафаробод), аёдат карда шуда, ба онҳо кӯмаки моддию молиявӣ расонида шуд.

Табрикоти сардори Раёсати ҳифзи муҳити зисти вилояти Суғд Ҳакимзода А.Қ. ба муносибати Иди саиди Фитр

Подробности статьи: Автор; Категория Новости

Ҳамаи Шумоёнро бо арзи эҳтирому самимияти афзун ба муносибати фаро расидани Иди саиди Фитр табрик ва муборакбод намуда, зиндагии босаодат, файзу баракати рўзгор ва зеботарин сарнавиштро орзу менамоям. Шукрона мегўем, ки бо шарофати Истиқлолият ва соҳибихтиёрии Ватани азизамон суннатҳои мардумӣ ва мазҳабии худро озодона таҳлилу риоя менамоем. Иди саиди Фитр яке аз суннатҳои муҳимтарини маънавии мардуми мусулмони мо ва нишонаи эҳтирому гиромидошти ойини деринаи халқамон бар пояи мазҳаби ҳанафия ба шумор рафта, аз баракати истиқлолияти давлатӣ дар қатори дигар ҷашну маросимҳои милливу мардумӣ дар кишвари мо таҷлил мегардад. Бори дигар ҳар яки шумо ва аҳли оилаву пайвандонатонро ба муносибати фаро расидани Иди саиди Фитр табрик гуфта, бароятон саломатӣ, сулҳу амонӣ, бахту саодатро таманно менамоям.

11 Май 2021

Барқарорсозии хонаҳои осебдида дар шаҳри Исфара

Подробности статьи: Автор; Категория Новости

Бар асари даргириҳои охири моҳи апрели соли ҷорӣ як қисми хонаҳои истиқоматии сокинони деҳаи Сомониёни ҷамоати деҳоти Чоркўҳи шаҳри Исфара хароб ва осеб дида буд. Бо дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хонаҳои мазкур бо пуррагӣ бунёду барқарорсозӣ карда мешаванд. Бо супориши мақомоти иҷроияи ҳокимияти давлатии вилояти Суғд аз тарафи Раёсати ҳифзи муҳити зист якҷоя бо зерсохторҳо як хона, ки дар он ҷо ду оила зиндагӣ мекард пурра аз навсозӣ мегардад. Дар айни ҳол корҳои сохтмонӣ оғоз гардида, дар давоми як моҳ ба итмом расонида мешаванд. Ҳамзамон, пас аз сохтмон бо лавозимотҳои зарурӣ низ хонаи нав таъмин карда мешавад.

Ҷамъбасти озмуни ноҳиявии «Сабз бодо кишварам» дар ноҳияи Ҷаббор Расулов

Подробности статьи: Автор; Категория Новости

Дар муассисаи таълимии миёнаи умумии № 6 ҷамоати деҳоти Ғулакандози ноҳияи Ҷаббор Расулов озмуни ноҳиявии «Сабз бодо кишварам» бо иштироки кормандони бахши ҳифзи муҳити зист ва шуъбаи маорифи ноҳия ҷамъбаст карда шуд. Озмуни «Сабз бодо кишварам» дар асоси фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор, 2018-2028», «Солҳои рушди деҳот, сайёҳӣ ва ҳунарҳои мардумӣ 2019-2021» бахшида шудааст.

08 Май 2021

10 май - Рӯзи умумиҷаҳонии парандаҳои муҳоҷир

Подробности статьи: Автор; Категория Новости

Рӯзи умумиҷаҳонии парандаҳои муҳоҷир (WMBD) аз соли 1993 инҷониб бо дархости парандашиносони (орнитологҳои) ташхисгоҳи Корнеллии ИМА ҳар рӯзи шанбеи дуюм ва якшанбеи дуюми моҳи май таҷлил мегардад ва асосан дар он ҷо ҷашн гирифта мешавад. Аксарият давлатҳо дар як сол ду маротиба - шанбеи дуюми моҳи май ва шанбеи дуюми моҳи октябр ҷашн мегиранд. Ҳадафи ин сана - ҷалби таваҷҷӯҳи бештари ҷомеа ба тағироти вазъи глобалии экологӣ мебошад, ки ба нобудшавии экосистемаи манзилҳои парандаҳо ҳам дар тобистон ва ҳам дар зимистон мусоидат мекунанд. Инчунин, баргардонидани он шароити табиӣ мебошад, ки барои парандаҳои муҳоҷир ҷиҳати парвариши насл ва муҳоҷират шинос ва қулай мебошанд. Инчунин ба қадри имкон васеътар огоҳ кардани аҳолӣ дар бораи аҳамияти нигоҳ доштани саршумор ва парандаҳои муҳоҷир мебошад.

07 Май 2021

Амалиёти назоратӣ дар ноҳияи Ҷ.Расулов

Подробности статьи: Автор; Категория Новости

Дар асоси нақшаи кории мақомоти ҳифзи муҳити зист, ҳангоми гузаронидани амалиёти назоратӣ аз ҷониби кормандони бахши ҳифзи муҳити зисти ноҳияи Ҷаббор Расулов дар ҷамоати деҳоти Сомониён ғайриқонунӣ истихроҷ намудани канданиҳои фоиданоки маъмули умум ошкор гардид. Дар натиҷа нисбати қонуншиканон - сокинони ноҳия Ҳошимбоев А. ва Элмуродов Д. бо моддаи 238 - и Кодекси ҳуқуқвайронкунии маъмурӣ протокол тартиб дода шуд.

Ҷамъбасти фаъолияти моҳонаи ситоди Раёсат дар давраи манъи сайди моҳӣ

Подробности статьи: Автор; Категория Новости

Чорабиниҳои ҳифзкунандаи моҳӣ дар мавсими тухмигузории соли ҷорӣ идома доранд ва тибқи нақшаи пешбинигардида фаъолияти ситоди раёсат дар давраи манъи сайди моҳӣ дар 15-рўзаи дуюм ва моҳи апрел ҷамъбаст гардид. Натиҷаҳои корбарии якмоҳа нишон доданд, ки баҳри иҷрои талаботи қонунгузории соҳаи ҳифзи муҳити зист дар самти мазкур ва фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31.03.2021, №29 ва сардори Раёсати ҳифзи муҳити зисти вилоят аз 1.04.2021 №15 «Дар бораи амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021» аз тарафи нозирони шуъбаи раёсат ва шуъбаю бахшҳои ҳифзи муҳити зисти шаҳру ноҳияҳо як қатор корҳои назаррас ба анҷом расонида шудааст.

05 Май 2021

Амалиёти “Ҳавои тоза” дар ноҳияи Масчоҳ

Подробности статьи: Автор; Категория Новости

Бахшида ба ҷашнҳои миллии дар пеш истода, бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории мақомоти ҳифзи муҳити зист, кормандони шуъбаи назорати таҳлилии Раёсат ва бахши ҳифзи муҳити зисти ноҳия дар шоҳроҳи Хуҷанд –Чаноқ амалиёти «Ҳавои тоза» гузарониданд. Рафти амалиёт 20 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.

Аксияи «Тозагии маҳал» дар шаҳри Хуҷанд

Подробности статьи: Автор; Категория Новости

Бо мақсади беҳтар намудани вазъи экологии муҳити зист, сазовор пешвоз гирифтани идҳои давлатии миллӣ ҷиҳати вусъат бахшидан ба корҳои ободонӣ, дар микроноҳияи 28 то маҳаллаи 34-уми шаҳри Хуҷанд аксияи “Тозагии маҳал” гузаронида шуд. Дар аксия 340 - нафар хонандагон ва омӯзгорони муассисаҳои таълимии миёнаи умумии №№ 10 ва 13 фаъолона иштирок намуда, кӯчаҳои қадди роҳҳо аз алафҳои хушкшуда тоза гардида, 4,2 метри мукааб партовҳо ба партовгоҳ бароварда шуд.Гузаронидани корҳои тозагиву ободонӣ дар дигар маҳаллаҳои маркази вилоят идома дорад.