Раёсати ҳифзи муҳити зисти вилояти Суғд барои ишғоли мансабҳои холии маъмурии хизмати давлатӣ озмун эълон менамояд:

Талаботҳои тахассуси барои мансабҳои маъмурии категорияи панҷум;

- таҳсилоти олии касбӣ, ихтисоси ба мансаби ишғолкунанда мувофиқ, ки иҷрои самараноки вазифаҳои мазкури маъмурии хизмати давлатиро таъмин карда метавонанд;

- 2 сол собиқаи хизмати давлатӣ ё 3 сол собиқаи умумии меҳнатӣ;

- малакаи хуби муошират ба аҳли ҷомеа, аз ҷумла маҳорати ба роҳ мондани ҳамкорӣ ҳангоми тадбиқи манфиатҳои давлатӣ.

 Талаботҳои тахассуси барои мансабҳои маъмурии категорияи шашум;

- таҳсилоти олии касбӣ, ихтисоси ба мансаби ишщолкунанда мувофиқ, ки иҷрои самараноки вазифаҳои мазкури маъмурии хизмати давлатиро таъмин карда метавонанд;

- 1сол собиқаи меҳнатӣ.

Талаботҳои тахассуси барои мансабҳои маъмурии категорияи ҳафтум;

- таҳсилоти олӣ ёмиёнаи касбӣ, ки иҷрои самараноки вазифаҳои мазкури маъмурии хизмати давлатиро таъмин карда метавонанд;

Довталабон барои иштирок дар озмун ҳуҷҷатҳои зеринро пешниҳод менамоянд:

- ариза ба унвони роҳбари мақоми давлатӣ;

- варақаи шахсии баҳисобгирии кадрӣ (бо 2 дона акси андозааш 4 х 6)

- тарҷумаи ҳол;

- нусхаи ҳуҷҷатҳо дар бораи таҳсилот;

- нусхаи дафтарчаи меҳнатӣ (ба ғайраз ҳолате, кишахссобиқаимеҳнатӣ надорад);

- маълумот дар бораи даромад ва вазъи молу мулк;

- маълумотнома оид ба вазъи саломатӣ дар шакли 038УЕ;

- нусхаи шиноснома;

- нусхаи билети ҳарбӣ (барои шахсоне, ки хизмати ҳарбироадонамудаанд).

Довталабон метавонанд ҳуҷҷатҳои худро дар мӯҳлати 21 рӯз аз рӯзинашри эълон пешниҳод намоянд.

Оид ба гирифтании маълумотхои иловагӣ метавонед тариқи сомонаи ecosugd.tj ё ба суроғаи ш.Хучанд, хиёбони Р.Набиев №211, муроҷиат намоед. телефонҳо: (3422) 6-03-95, 4-09-50

Тибқи нақшаи пешбинигардида, бо мақсади амалӣ намудани бандҳои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва баланд бардоштани тарбия ва маърифати экологӣ дар толори муассисаи таҳсилоти миёнаи умумии №3 ба номи Ҳабибахон Каримоваи  шаҳри Конибодом вохӯрии намояндаи Раёсати ҳифзи муҳити зисти вилоят бо намояндагони соҳаи маориф, аз ҷўмла омўзгорони фанни экология ва биологияи муассисаҳои таълимии шаҳр, инчунин хонандагони синфҳои болои мактаби мазкур баргузор гардид. Дар он намояндагони Раёсати маорифи шаҳр ва шуъбаи ҳифзи муҳити зисти шаҳри Конибодом иштирок доштанд. Дар рафти вохўрӣ маълумот оид ба Барнома ва соҳаи ҳифзи муҳити зист, мавқеи тарбия ва маърифати экологии аҳолӣ, наврасону ҷавонон, дар бораи Китоби Сурхи Ҷумҳурии Точикистон ва дигар масъалаҳои вобаста ба муаммоҳои экологӣ пешкаши иштирокчиён гардид.

Дар асоси нақшаи кории раёсат барои нимсолаи дуюм ва нақшаи кории МИҲД вилоят барои моҳи октябри соли равон санаи 16.10.2019 санҷиши рафти иҷрои амри Раиси вилоят аз 14.12.2015, №228 «Дар бораи таъсис додани Комиссияи байниидоравии вилоятӣ оид ба маърифати экологӣ», аз он ҷумла фаъолияти комиссияи маҳаллии мақомоти иҷроияи ҳокимияти давлатии шаҳри Конибодом ва ҳамзамон рафти ичрои қарори Раиси вилоят аз 25.05.2015, №263 оид ба татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар сохторҳои ба иҷрои бандҳои нақшаи чорабиниҳо вобаста гардида, гузаронида шуд. Маводи дахлдор дар сохторҳои МИҲД шаҳр, аз ҷумла шуъбаи умумӣ, назорат ва муроҷиати шаҳрвандон, рушди иҷтимоӣ ва робита бо ҷомеа, кор бо занон ва оила, раёсати маориф, бахши ҷавонон ва варзиш, фарҳанг, комиссияи оид ба ҳифзи ҳуқуқи кўдак, рўзномаи маҳаллии «Садои Конибодом», ширкатҳои телевизионии «Аниси Конибодом» ва «ТВ-5», ҷамоати деҳоти  Ғ.Ортиқов, Патар ва Э.Шарипов дар ҳузури роҳбарон ё шахсони мутасаддӣ мавриди санҷиш қарор гирифт.

Санаи 18 октябри соли 2019 дар дар «Қасри фарҳанг»-и ноҳияи Зафаробод аз тарафи Раёсати маорифи вилояти Суғд  бо иштироки мақомоти ҳифзи муҳити зист дар байни муассисаҳои таҳсилоти миёнаи умумӣ ва гимназияҳои шаҳру ноҳияҳо намоиши «Тирамоҳи заррин» - озмуни вилоятӣ бахшида ба Иди «Меҳргон» баргузор гардид. Дар чорабинӣ 15 адад муассисаҳои таълимӣ аз шаҳру ноҳияҳои вилояти Суғд иштирок намуда, дар мавзўъҳои экологӣ рефарат, саволу ҷавоб ва намоиш пешкаши аъзоёни ҳакамон ва иштирокчиёну тамошобинон гардид. Ҳамзамон дар рафти озмун – намоиш аз ҷониби хонандагони мактабҳо саҳначаҳо бахшида ба ҳифзи табиат, викторина ва барномаи консертӣ барои иштирокчиён пешниҳод карда шуд. Дар озмун - намоиш ҷой авввал насиби маорифчиён ва хонандагони муассисаҳои таълимии шаҳри Истаравшан, ҷойи дуюм ноҳияҳои Зафаробод, Деваштич ва шаҳри Панҷакент, ҷойи сеюм шаҳрҳои Исфара ва Конибодом гардид.