Ноябрь 2025
28 Ноябрь 2025
Ҷаласаи навбатии Сарраёсат
- Подробности статьи
- Автор
- Категория Навидҳо
2
8 ноябри соли равон маҷлиси навбатӣ бо иштироки сардори Сарраёсати ҳифзи муҳити зист дар вилояти Суғд Холзода Суҳроб Хол ва сардорони шуъбаҳои назоратии сарраёсат, сардорони шуъбаҳо ва мудирони бахшҳои ҳифзи муҳити зист дар шаҳру ноҳияҳои вилоят баргузор гардид. Дар ҷаласа натиҷагирии фаъолият дар 11 моҳи соли равон дар муқоиса бо соли 2024 ва дигар масъалаҳои ҷорӣ мавриди таҳлил ва муҳокима қарор гирифтанд. Сардори Сарраёсат Холзода Сухроб Хол аз сардорони шуъба ва мудирони бахшҳо оид ба самтҳои фаъолияташон пурсиш ба амал оварда, баҳри бартараф намудани камбудиҳо ҷойдошта то ҷамъбасти фаъолоти солона супоришҳо дод. Ҳамзамон баҳри пурзӯр намудани фаъолияти нозирӣ, назорати шинонидани ниҳолҳо дар мавсими ниҳолшинонӣ, риояи интизоми меҳнат, инчунин вобаста ба масъалаҳои дигари соҳавӣ вазифагузорӣ карда шуд.
27 Ноябрь 2025
Мизи мудаввар оид ба Конвенсияи Орхус
- Подробности статьи
- Автор
- Категория Навидҳо
Д
ар толори маҷлисгоҳи Раёсати сармоягузорӣ ва идораи амволи давлатии мақомоти иҷроияи ҳокимияти давлатии вилояти Суғд мизи мудаввар доир ба мавзӯъи «Татбиқи ҳадафи сеюми Конвенсияи Орхус – дастрасии ҷомеа ба адолати судӣ оид ба масъалаҳои ҳифзи муҳити зист» баргузор гардид. Мизи мудаввари мазкур дар натиҷаи ҳамкории Сарраёсати ҳифзи муҳити зист дар вилоят бо ТҶ«Гурӯҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд ва мусоидати шуъбаи маъмурию ҳуқуқии дастгоҳи Раиси вилояти Суғд ба амал омада, дар кори он намояндагони мақомоти иҷроияи ҳокимияти давлатии вилоят, сохторҳои вилоятию шаҳрии мақомоти суд ва прокуратура, Раёсати адлия, шуъбаи милитсияи экологӣ ва сайёҳии ВКД Ҷумҳурии Тоҷикистон, ташкилоти ҷамъиятӣ, аз ҷумла бо ҳифзи ҳуқуқиинсон машғул, мақомоти ҳифзи муҳити зист ва намояндагони васоити ахбори омма иштирок доштанд.Воқеан,Конвенсияи Орхус 25 июни соли 1998 дар Конфронси чоруми вазирони корҳои хориҷӣ «Муҳити зист барои Аврупо» дар шаҳри Орхуси кишвари Дания қабул гардида, дар умум оид ба дастрасӣ ба иттилоот, иштироки ҷомеа дар қабули қарорҳо ва дастрасӣ ба адолати судӣ дар масъалаҳои муҳити зист бахшида шудааст.
Пешгирии шикори ғайриқонунии парандаҳои хушхон
- Подробности статьи
- Автор
- Категория Навидҳо
Б
о мақсади пурзўр намудани назорати давлатӣ дар самти ҳифзи олами ҳайвонот, дар асоси нақшаи корӣ ҳангоми гузаронидани амалиёти назоратӣ аз тарафи нозирони бахши ҳифзи муҳити зист дар шаҳри Исфара сокини шаҳри Исфара, ҷамоати деҳоти Чоркўҳ Ҳаёзода М. боздошт гардид, ки бе иҷозати мақомоти дахлдор бо шикори ғайриқонунии парандаи хушхон саъба машғул буд. Бо ин кирдор қонуншикан талаботи моддаи 44-и Қонуни Ҷумҳурии Тоҷикистон “Дар бораи ҳифзи муҳити зист”- ро вайрон намуд. Дар натиҷа нисбати қонуншикан мутобиқи моддаи 223 Кодекси ҳуқуқвайронкунии маъмурии Ҷумҳурии Тоҷикистон протокол тартиб дода шуд. Саъба яке аз парандаҳои хушхон ва писандидаи дўстдорони табиат буда, ҳарчанд ба «Китоби Сурхи Тоҷикистон» дохил нагардидааст, аммо парандаи муқими нодирест, ки онро барои зебогиаш шикор намуда дар қафас нигоҳ медоранд. Ин амали инсонҳо метавонад минбаъд сабаби кам гардидани ин парандаи хушхон дар Тоҷикистон гардад.
26 Ноябрь 2025
Амалиётҳои назоратӣ дар самти муомилот бо партовҳо
- Подробности статьи
- Автор
- Категория Навидҳо
Т
ибқи нақшаи кории мақомоти ҳифзи муҳити зист, ҳангоми гузаронидани амалиёти назоратӣ аз тарафи мутахассисони Сарраёсати ҳифзи муҳити зист дар вилояти Суғд партофтани партовҳои сохтмонӣ дар ҷойи ғайрирасмӣ - ҳудуди ҷамоати деҳоти Ғозиёни ноҳияи Бобоҷон Ғафуров сокини ноҳия И.М. ошкор гардид. Дар натиҷа нисбати ронандаи нақлиёти боркаши тамғаи Камаз шаҳрванд И.М. барои партофтани партовҳои сохтмонӣ дар ҷойи ғайрирасмӣ бо дастрасии моддаи 232-и Кодекси ҳуқуқвайронкунии маъмурии Ҷумҳурии Тоҷикистон протоколи ҳуқуқвайронкунии маъмурӣ тартиб дода шуд.
19 Ноябрь 2025
Мониторинги экологии минтақаҳои ноҳияҳои наздисарҳадӣ
- Подробности статьи
- Автор
- Категория Навидҳо
Т
ибқи нақшаи кори Сарраёсати ҳифзи муҳити зист дар вилояти Суғд аз тарафи мутахассисони шуъбаи мониторинги экологӣ, таҳлилӣ ва ахбороту иттилоот мониторинги экологии ҳолати минтақаҳои ноҳияҳои наздисарҳадӣ мунтазам дар давоми сол гузаронида мешавад. Давоми моҳи октябри соли ҷорӣ бо мақсади муайян кардани тағйирёбии тамоюли таъсир ба ҳавои атмосфера ва манбаҳои обӣ аз объектҳои саноатии азими ҷумҳурии ҳамсоя дар мавзеъи Янги – Қӯрғони ҷамоати деҳоти Ҳ.Усмонови ноҳияи Б.Ғафуров мониторинги экологӣ гузаронида шуд. Қайд кардан ба маврид аст, ки ченкунии вазъи ҳаво дар нуқтаҳои мухталифи ҳудудисанитарӣ - муҳофизатӣ тохатисарҳаддармасофаиаз 500 метр то 2 километр дур ба амал омад. Дар минтақаи мазкур намунаҳои ҳавои атмосфера ва об гирифта, ба ташхисгоҳи сарраёсат барои муайян намудани таркиби физикию кимиёвӣ оварда шуд. Инчунин, зимни мушоҳида ва ченкуниҳои инструменталӣ дар 2 мавзеъ бо гирифтани 10 намунаҳои партовҳои моддаҳои ифлоскунанда ва зарарнок ба ҳавои атмосфера амалӣ гардид. Натиҷаҳои ченкуниҳо ва ташхис нишон доданд, ки нишондиҳандаҳо ба монанди оксиди карбон, дуоксиди нитроген, фенол, гидроген сулфид, оксиди нитроген, аммиак, чанг, хлор ва гидрогенхлорид мутобиқи меъёр мебошанд.
18 Ноябрь 2025
Шинонидани ниҳолҳои дарахтони ҳамешасабз дар сарҳади даромадгоҳ ба минтақаи истироҳатии шаҳри Гулистон
- Подробности статьи
- Автор
- Категория Навидҳо
Д
ар доираи корҳои омодагӣ ба ташрифи меҳмонони олиқадр ба вилояти Суғд ва бахшида ба Рӯзи Президенти Ҷумҳурии Тоҷикистон чорабинии ниҳолшинонӣ дар як қатор шаҳру ноҳияҳо доир гардид.Яке аз ин чорабиниҳо бо иштироки сардори Сарраёсати ҳифзи муҳити зист дар вилояти Суғд Холзода С.Х. ва кормандони шуъбаву зерсохторҳои мақомот, дар ҳамкорӣ бо Ташкилоти ҷамъиятии «Гурӯҳи ҷавонон оид ба ҳифзи муҳити атроф», ташкилоти байналхалқии GIZ, волонтёрон – аъзоёни ҳаракати ҷавонони «Нозирони сабз» аз муассисаи таҳсилоти миёнаи умумии шаҳри Гулистон ва хоҷагии кишоварзии ноҳияи Б.Ғафуров, дар замини хоҷагии мазкур, ки бо даромадгоҳ ба минтақаи истораҳатии шаҳр ҳамсарҳад мебошад, беш аз 200 бех ниҳолҳои дарахтони ороишии ҳамешасабзи санавбар шинонида шуд.Боиси қайд аст, ки чунин чорабиниҳо дар дигар минтақаҳои ноҳияи Б.Ғафуров, минтақаҳои шафати шоҳроҳи Душанбе – Чаноқи ноҳияи Ҷ.Расулов, шинонидани гулҳои мавсимӣ дар марказу кӯчаҳои шаҳри Хуҷанд ва дигар шаҳру ноҳияҳо дар татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» ва иҷрои нақшаи амали солҳои 2025 – 2027 саҳм мегузорад.Дар вилоят маъракаи ниҳолшинонии мавсими тирамоҳу зимистони соли 2025 оғоз гардида, баргузории чорабиниҳои кабудизоркунӣ ва корҳои ободонӣ идома дода мешаванд.
15 Ноябрь 2025
Чорабинии омӯзишӣ барои омӯзгорони барномаи «Нозирони сабз» дар шаҳри Гулистон
- Подробности статьи
- Автор
- Категория Навидҳо
Т
ибқи нақшаи ҳамкории Сарраёсати ҳифзи муҳити зист дар вилояти Суғд бо Ташкилоти ҷамъиятии «Гурӯҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд ва дар доираи талаботи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», дар толори Маркази таълимии Бонки миллӣ дар шаҳри Гулистон давоми ду рӯз чорабинии омӯзишӣ барои 32 омӯзгорон аз муассисаҳои таҳсилоти миёнаи умумии шаҳру ноҳияҳои вилоят — намояндагони 17 мактаби мақсаднок ва Марказҳои таҳсилоти иловагӣ, инчунин 15 мактабе, ки дар онҳо ҳаракати ҷавонони «Нозирони сабз» амалӣ менамояд, баргузор гардид. Барномаи чорабинӣистифодаи самараноки «Роҳнамои омӯзишӣ оид ба таълими иловагии экологӣ»-и навшуда, татбиқи усулҳои интерактивии таълим ва иштирок дар ташаббусҳои экологиро дар бар мегирифт.
Маҷлиси тантанавӣ бахшида ба Рӯзи Президенти Ҷумҳурии Тоҷикистон
- Подробности статьи
- Автор
- Категория Навидҳо
Д
ар толори маҷлисгоҳи сарраёсати ҳифзи муҳити зисти вилояти Суғд ба муносибати Рӯзи Президенти Ҷумҳурии Тоҷикистон бо иштироки намояндаи Кумитаи иҷроияи Ҳизби халқии демократии Тоҷикистон дар шаҳри Хуҷанд Деҳқонова Гулчеҳра маҷлиси тантанавӣ доир гардид. Сардори сарраёсат Холзода Суҳроб Хол бо суханони ифтитоҳӣ маҷлисро ҳусни оғоз бахшида, мақсади аз рӯзи ид муайян гардидани рӯзи 16 ноябр, аз саҳифаи таърих дар иҷлосияи XVI-уми Шӯрои Олии Ҷумҳурии Тоҷикистон маросими савгандёдкунӣ ва ба вазифа шурӯъ кардани Президенти Ҷумҳурии Тоҷикистон ёдоварӣ намуд. Бо иқдому ташаббусҳои созанда ва азму иродаи қавӣ ва устуворонаи Асосгузори сулҳу ваҳдати миллӣ - Пешвои миллат Президенти кишвар муҳтарам Эмомалӣ Раҳмон дар ҷумҳурии соҳибистиқлоламон сулҳу ваҳдат, оромиву субот, сарҷамъии миллат, расидан ба ҳадафҳои стратегии мамлакат, қабули қонунҳои миллӣ таъмин гардид. Таъкид гардид, ки сиёсати пешгирифтаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҳар сокини кишварро вазифадор месозад, ки барои амалӣ гардидани ҳадафҳои давлату Ҳукумат дар самти таҳкими рукнҳои давлатдории навини Тоҷикистон ва баланд бар-доштани сатҳи некуаҳволии аҳолӣ тамоми нерӯ, қудрат, тавоноӣ ва донишу таҷриба ба кор бурда мешавад.
13 Ноябрь 2025
Насби баннерҳои экологӣ дар роҳи Ҷаббор Расулов
- Подробности статьи
- Автор
- Категория Навидҳо
Бо мақсади баланд бардоштани маърифати экологии аҳолӣ аз тарафи бахши ҳифзи муҳити зисти ноҳияи Ҷаббор Расулов дар шоҳроҳи Душанбе - Чаноқ 3 адад ва даромадгоҳи ноҳия 2 адад баннерҳои экологӣ насб карда шуд. Ҳадаф аз насб намудани баннерҳои экологӣ дар шоҳроҳҳо ҳангоми ҳаракат дар роҳ аз дохили нақлиёт напартофтани партовҳо ба канори роҳҳо ва тозаву озода нигоҳ доштани шоҳроҳ мебошад.
Амалиётҳои назоратӣ дар самти ғайриқонунӣ истихроҷ намудани канданиҳои фоиданоки маъмули умум
- Подробности статьи
- Автор
- Категория Навидҳо
Т
ибқи нақшаи кории мақомоти ҳифзи муҳити зист, ҳангоми гузаронидани амалиёти назоратии шабонарузӣ аз тарафи мутахассисони сарраёсати ҳифзи муҳити зист дар вилояти Суғд, ғайриқонунӣ истихроҷ намудани канданиҳои фоиданоки маъмули умум дар мавзеи кӯҳи Муғул 4 нафар сокинони ноҳияи Бобоҷон Ғафуров ошкор карда шуданд. Дар натиҷа нисбати қонуншиканон барои вайрон намудани моддаҳои 2 ва 8 -и Қонуни Ҷумҳурии Тоҷикистон «Дар бораи сарватҳои зеризаминӣ», мутобиқи моддаи 238 Кодекси ҳуқуқвайронкунии маъмурии Ҷумҳурии Тоҷикистон протоколҳои ҳуқуқвайронкунии маъмурӣ тартиб дода шуд.