Апрель 2020

28 Апрель 2020

Назорати ҷамъбасти Барнома дар шаҳри Гулистон

Подробности статьи: Автор; Категория Навидҳо

Тибқи нақшаи кории Раёсати ҳифзи муҳити зисти вилояти Суғд барои нимсолаи якум ва нақшаи кории МИҲД вилоят барои моҳи апрели соли равон, санҷиши рафти иҷрои қарорҳои Ҳукумати Ҷумҳурии Тоҷикистон аз 2.04.2015, №178 ва Раиси вилоят аз 25.05.2015, №263 дар бораи татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», талаботи амри Раиси вилоят аз 14.12.2015, № 228амр «Дар бораи таъсис додани Комиссияи байниидоравии вилоятӣ оид ба маърифати экологӣ» ва фаъолияти Комиссияи байниидоравии МИҲД шаҳри Гулистон гузаронида шуд. Ҳангоми гузаронидани санҷиш маводи сохторҳои дахлдори МИҲД шаҳр, аз он ҷумла шуъбаи умумӣ, назорат ва муроҷиати шаҳрвандон, шуъбаи маориф, бахши кор бо ҷавонон ва варзиш, шуъбаи рушди иҷтимоӣ ва робита бо ҷомеа, бахши фарҳанг, бахши кор бо занон ва оила, комиссияи оид ба ҳуқуқи кўдак, нашрияи ҳафтаномаи «Соҳил», ҷамоати шаҳраки Сирдарё, Консой ва Чоруқдаррон дида шуд. Пеш аз оғози санҷиш бо раиси Комиссияи байниидоравии маҳалӣ, муовини якуми раиси шаҳр Комилзода Н. оид ба корҳои ба иҷро расида баъд аз санҷиши соли гузашта гуфтугузор карда шуд.

Вохўрӣ дар мактаби шаҳри Гулистон

Подробности статьи: Автор; Категория Навидҳо

Мувофиқи нақшаи пешбинигардида, дар муассисаи таҳсилоти миёнаи умумии №1 шаҳри Гулистон баҳри татбиқи нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» вохўрии сармутахассиси Раёсати ҳифзи муҳити зисти вилояти Суғд бо хонандагон ва омўзгорони фанни экология, биологияи баргузор гардид. Аз тарафи намояндаи раёсат вобаста ба соҳаи ҳифзи муҳити зист, дар бораи маърифати экологӣ ва дигар масъалаҳои самтҳои гуногуни ҳифзи муҳити зист баромад карда шуд. Ҳангоми ба амал омадани саволу ҷавоб ба иштирокдорон оид ба таъсири нақлиёт ба ҳавои атмосфера, ифлосшавии ҳаво ва нашрияҳои мақомоти ҳифзи муҳити зист маълумот пешкаш карда шуд.

27 Апрель 2020

Замин – кафили амнияти озуқаворӣ

Подробности статьи: Автор; Категория Навидҳо

Санаи 22 апрел дар толори МДТ «Донишгоҳи давлатии Хуҷанд ба номи академик Б.Ғафуров» бахшида ба Рўзи умумичаҳонии замин семинар – машварати минтақавӣ таҳти унвони «Замин – кафили амнияти озуқаворӣ» баргузор гардид. Дар кори семинар – машварати мазкур ба ғайр аз кормандони мақомоти ҳифзи муҳити зисти вилоят ва устодону донишҷўёни донишгоҳ, олимон аз Маркази хокшиносию мелиоративии Институти хокшиносии Точикистон дар вилоят ва филиали Институти боғдорӣ ва сабзавоткории Точикистон дар вилояти Суғд, ҳамчунин намояндагони васоити ахбори омма иштирок намуданд. Дар оғози семинар суханҳои ифтитоҳии намояндаи Раёсати ҳифзи муҳити зисти вилоят ва муовини ректор оид ба илм ва иноватсияи донишгоҳ шунида шуд.

18 Апрель 2020

Аксия "Тозагии соҳил"

Подробности статьи: Автор; Категория Навидҳо

Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон, бо таври доимӣ тозаю озода нигоҳ доштани манбаъҳои обӣ, соҳилҳои дарёҳо, каналу ҷўйборҳо ва ҷалби бештари шаҳрвандон дар беҳтар намудани вазъи муҳити зист, тақвият бахшидан ба корҳои созандагию ободонӣ, баланд бардоштани сатҳи маърифати экологии аҳолӣ, инчунин амалигардонии нақшаи чорабиниҳо бахшида ба Даҳсолаи байналмиллалии амал «Об барои рушди устувор, солҳои 2018-2028» ва «Соли рушди деҳот, сайёҳӣ ва ҳунарҳои мардумӣ», иҷроиши фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 9.01.2020., №10 дар бораи гузаронидани аксияи «Тозагии соҳил-2020» ва фармоиши Сардори Раёсати ҳифзи муҳити зисти вилоят аз санаи 22.01.2020 сол №04 оид ба гузаронидани аксияи «Тозагии соҳил-2020» дар ҳудуди вилоят аксияи мазкур гузаронида шуд.

Тозагии маҳал

Подробности статьи: Автор; Категория Навидҳо

Раёсати ҳифзи муҳити зисти вилояти Суғд эҳтиромона ба маълумоти Шумо мерасонад, ки бо мақсади беҳтар намудани вазъи экологӣ, сазовор пешвоз гирифтани ҷашнҳои давлатӣ, таъмини иҷрои талаботи қонунгузории Ҷумҳурии Тоҷикистон тибқи дастуру супориши Шумо санаи 18 апрели соли 2020 бо ҷалби васеи аҳолӣ, корхона, ташкилот ва муассисаҳо аксияи “Тозагии маҳал” ва шанбегӣ гузаронида шуд.

Тибқи дастуру супоришҳои Шумо дар шаҳру ноҳияҳои вилоят корҳои сохтмонию ободонӣ, таъмири биною иншоотҳо, тоза намудани гирду атрофи идораҳо, иншоотҳои иҷтимоию кўчаю хиёбонҳо, обод намудани гулгаштҳо, боғҳои истироҳатию фароғатӣ, кашонидан ва ҷойгиронии партовҳо аз кўчаҳои ҷамоат ва тоза намудани ҳудудҳои манбаъҳои обӣ, насби шиору овезаҳо ба иҷро расонида шудаанд. Ҳамчунин дар доираи чорабиниии мазкур ба тартиб даровардани дарахтон, сафед намудани ҳусни зоҳирии бинову, иншоотҳо ва ба тартиб даровардани партовгоҳҳо ба иҷро расонида шуд.

Баргузории чорабиниҳои экологӣ дар ноҳияи Деваштич

Подробности статьи: Автор; Категория Навидҳо

Бахши ҳифзи муҳити зисти ноҳияи Деваштич дар асоси барқия бахшида ба Рӯзи дониши экологӣ ва Рӯзи умумиҷахонии замин дар мактабҳои таҳсилоти миёнаи умумии № 16-и ба номи А.Шарофов ва №1-и ба номи Ӯ.Ҳусейнов чорабиниҳои экологиро бо иштироки хонандагони синфи 9 ва 10-уми муассиса доир намуд. Дар чорабинӣ хонандагон аз ҳаёти нозирони патрули сабз видеороликҳо намоиш дода, дар бораи ҳифзи муҳити зист, хифзи олами олами набототу хайвоноти нодир маълумотҳо доданд. Ҳамчунин хонандагон ба се гурӯҳ тақсим шуда, ҳар се гурӯҳ бо номи «Атмосфера», «Муҳофизатгарони табиат» ва «Мухофизатгарони хок» оидигурӯҳҳоихуд маълумот доданд. Баргузории чунин чорабиниҳо дар дигар муассисаҳои таълимӣ баҳри баланд бардоштани дониши экологӣ ба нақша гирифта шудааст.

Чорабиниҳои экологӣ дар шаҳри Конибодом

Подробности статьи: Автор; Категория Навидҳо

Бино ба иттилои бахши ҳифзи муҳити зисти ш.Конибодом бахшида ба санаҳои экологӣ - Рӯзи донишиэкологӣваРӯзи Замин дар мактаби таҳсилоти миёнаи умумии№ 27чорабинии маърифатӣ бо толибилмони синфи 11 гузаронида шуд. Дар вохӯрӣ корманди бахш оиди масъалаҳои мухталифи ҳифзи муҳити зист, самаранок истифодабарии об, муомилот бо партовҳо ва насӯзонидани он, кабудизоркунии маҳал суханронӣ карда шуд. Рафти вохӯрӣ толибилмон ба суолҳои худ посухҳои муфассал гирифтанд. Гузаронидани чунин вохӯриҳо тибқи нақша-чорабинии бахш дар дигар мактабҳо дар назар аст.

Вохӯрӣ дар муассисаи таълимии ҷамоати шаҳри Панҷакент

Подробности статьи: Автор; Категория Навидҳо

Бо мақсади фаҳмонида додани муҳимияти сатҳи дониши экологӣ, махсусан байни насли наврас бахшида ба санаи экологӣ - рӯзи маърифати экологӣ дар муассисаи таҳсилоти миёнаи умумии № 89 ҷамоати Моғиён, деҳаи Оби Борики ш.Панҷакент вохӯрӣ ташкил ва гузаронида шуд. Зимни вохӯрӣ кормандони бахши ҳифзи муҳити зисти шаҳри Панҷакент ба хонандагони синфҳои ибтидоӣ ва омӯзгорони муассиса доир ба масъалаҳои ҳифзи муҳити зист, тозаву обод нигоҳ доштани маҳалли зист ва риоя намудани қоидаҳои безараргардонӣ барои пешгирии касалиҳои сироятӣ корҳои фаҳмонидадиҳи гузарониданд.

17 Апрель 2020

Вохўрӣ бахшида ба Рўзи умумиҷаҳонии донишҳои экологӣ

Подробности статьи: Автор; Категория Навидҳо

Мувофиқи нақшаи пешбинигардида, бо мақсади пешбурди фаъолият дар самти иттилоот ва маориф, бахшида ба санаи 15 апрел – Рўзи умумиҷаҳонии донишҳои экологӣ дар муассисаи таҳсилоти миёнаи умумии №14 ш.Хуҷанд санаи 14 апрел вохӯрии намояндаи Раёсати ҳифзи муҳити зисти вилояти Суғд бо омӯзгорони фанни экология ва биология, хонандагони мактаб ва донишҷўёни факултети геоэкологияи МДТ «Донишгоҳи давлатии Хуҷанд ба номи академик Б.Ғафуров» баргузор гардид.

Дар оғози вохӯрӣ аз ҷониби омўзгори мактаб аз фанни экология баромад намуда, оид ба иштироки хонандагони муассиса дар ҳифзи муҳити зист ва аксияњои экологии баргузор мегардида, изҳори ақида намуд. Баҳри баланд бардоштани маърифат ва донишҳои экологии ҷавонон аз тарафи намояндаи раёсат дар бораи ин санаи муҳими экологӣ, вобаста ба соҳаи ҳифзи муҳити зист, истифодабарии оқилона ва ҳифзи захираҳои об, ҳифзи ҳавои атмосфера,газҳои гулхонаӣ ва таъсири он ба тағйирёбии иқлим, дар бораи муомилот бо партовҳои истеъмолӣ, парандаи соли 2020,нашри дуюми Китоби Сурхи Ҷумҳурии Тоҷикистон ва дигар масъалаҳои вобаста ба муаммоҳои экологӣ баромад пешкаши иштирокчиён гардид.

16 Апрель 2020

Амалиёти “Ҳавои тоза” дар шаҳри Бӯстон

Подробности статьи: Автор; Категория Навидҳо

Мувофиқи нақшаи кории шуъбаи назорати давлатии истифода ва ҳифзи ҳавои атмосфера ва шуъбаи назорати таҳлилии Раёсат бо ҳамкории шуъбачаи милитсияи экологӣ ва сайёҳии ВКД ҶТ дар вилояти Суғд, бо мақсади кам намудани ихроҷи моддаҳои зараровар ба ҳавои атмосфера дар шаҳри Бӯстон амалиёти «Ҳавои тоза» гузаронида шуд. Дар рафти амалиёт 35 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 6 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят ирсол гардид.