Февраль 2021
12 Февраль 2021
Чорабиниҳои пешгирӣ, ташвиқи амалҳои зиддикоррупсионӣ
- Подробности статьи
- Автор
- Категория Новости
Санаи 10 феврали соли равон дар толори раёсат маҷлиси машваратии назди сардори раёсат бо иштироки сардорони шуъбаҳо ва мудирони бахшҳои шаҳру ноҳияҳо баргузор гардид. Тибқи нақшаи пешбинигардида, дар рафти маҷлиси машваратии мазкур ду масъала баррасӣ карда шуд. Бобати масъалаи якум намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Ҳамдамзода Давлат бо мақсади пешгирӣ намудани содиршавии амалҳои коррупсионӣ ва дар ин замина баланд бардоштани маърифати зиддикоррупсионии кормандони мақомоти давлатӣ, ҳамчунин ҷиҳати баррасии пешниҳоди раёсати Агентӣ баромад намуд. Баъд аз он, дар доираи масъалаи дуюм сардори раёсат дар асоси таҳлили фаъолияти якмоҳаи зерсохторҳо ҷиҳати иҷрои супоришҳои ҷаласаи ҷамъбастии мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон ва камбудиҳои ҷойдошта таъкид карда, барои бо натиҷаҳои назаррас ҷамъбаст намудани фаъолият дар семоҳаи якум вазифаҳои мушаххас гузошт.
11 Февраль 2021
Баргузории аксияи «Тозагии соҳил» дар ноҳияи Деваштич
- Подробности статьи
- Автор
- Категория Новости
Дар ноҳияи Деваштич бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор», солҳои 2018 – 2028 аксияи «Тозагии соҳил» гузаронида шуд. Дар рафти аксия кормандони бахши ҳифзи муҳити зист дар якҷоягӣ бо сокинони маҳаллаҳои «Файзобод-1» ва «Файзобод-2»-и ҷамоати шаҳраки Ғончии ноҳия, дар маҷмуъ 70 нафар фаъолона иштирок намуда, ҷиҳати тоза намудани соҳили сой аз партовҳои истеъмолию пластикӣ ва алафҳои хушк кор кардаанд. Дар натиҷа 1,3 километр ҳудуди сой тоза гардида, 3 метри мукааб партовҳо ба партовгоҳи марказии ноҳия бароварда шуд. Қайд кардан ба маврид мебошад, ки бахши ҳифзи муҳити зисти ноҳияи Деваштич якҷоя бо сокинони маҳаллаҳои ҷамоати шаҳрак ва деҳоти ноҳия баргузории чунин аксияҳои экологиро мунтазам идома медиҳад, ки ин барои баланд бардоштани маърифати экологии аҳолӣ мусоидат менамояд.
09 Февраль 2021
Шанбегӣ дар шаҳри Истаравшан
- Подробности статьи
- Автор
- Категория Новости
Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон санаи 6 феврали соли равон дар миқёси шаҳр ҷиҳати тозаву обод нигоҳ доштани муҳити зист шанбегии умумишаҳрӣ гузаронида шуд. Дар он ҷомеаи меҳнатии корхонаву ташкилот, муассисаҳои таълимӣ, кормандони соҳаи тандурустӣ, кумитаи маҳаллаҳо, соҳибкорон ва аҳолӣ, наздик 2431 нафар иштирок доштанд. Ҷараёни шанбегӣ ду канори ҷӯйбори обгузари дохили шаҳр ба масоҳати 2,2 км ва кӯчаҳои протоколии хиёбонҳои Исмоили Сомонӣ ва Истиқлол, ҳудуди биноҳои маъмурии назди корхонаву ташкилотҳо аз партовҳо тоза карда шуд. Дар маҷмуъ зиёда аз 10 тн партовҳо тариқи техникаи КДФ «Хоҷагии манзилию коммуналӣ»-и шаҳр ба партовгоҳи шаҳрӣ бароварда шуд.
Саҳми хонандагон дар беҳбудии муҳити зист
- Подробности статьи
- Автор
- Категория Новости
Бо мақсади сазовор истиқбол гирифтани 30-солагии Истиқлолияти Давлатии Ҷумҳурии Тоҷикистон, тозаву обод намудани муҳити зист бо иштироки хонандагони муассисаи таълимии миёнаи умумии №1 дар ҳудуди муассиса ва қадди роҳ аксияи «Тозагии маҳал» гузаронида шуд. Рафти аксия ҳашарчиён дохили мактаб ва роҳҳоро аз ҳама гуна партовҳо тоза намуданд. Дар дигар муассисаҳои таълимӣ дар доираи нақшаи чорабиниҳо бахшида ба ҷашнҳои миллӣ чунин аксияҳо мунтазам гузаронида мешавад.
Аксияи «Тозагии маҳал» дар ш.Панҷакент
- Подробности статьи
- Автор
- Категория Новости
Тибқи фармоишҳои раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд, бо мақсади ба таври доимӣ тозаву озода нигоҳ доштани муҳити зист, дар қатори дигар шаҳру ноҳияҳои вилоят дар шаҳри Панҷакент низ аксияҳои экологӣ мунтазам идома доранд. Шанбеи гузашта дар хиёбони Рӯдакии маркази шаҳр бо иштироки васеи донишҷӯёни Коллеҷи тиббӣ аксияи «Тозагии маҳал» доир гардида, қадди роҳҳо аз партов ва алафҳои бегона тоза карда шуд.Қайд кардан бамаврид аст, ки дар тозаву обод намудани маҳалли зист саҳми донишҷуён ва хонандагони муассисаҳои таълимӣ назаррас буда, барои беҳтар намудани тарбияи экологӣ мусоидат менамояд.
Чорабиниҳои беҳтар намудани ҳолати мелиоративии замин дар ноҳияи Зафаробод
- Подробности статьи
- Автор
- Категория Новости
Мақомоти ҳифзи муҳити зисти вилояти Суғд бо мақсади татбиқи назорати давлатӣ ҷиҳати беҳтар намудани ҳолати мелиоративии замин тибқи нақшаи корӣ тадбирҳои заруриро андешида истодааст. Бобати назорати иҷрои қарори Ҳукумати Ҷумҳурии Тоҷикистон аз 01.08.2018, №374 «Доир ба тадбирҳои беҳтар намудани вазъи мелиоративии заминҳои обёришавандаи кишоварзии Ҷумҳурии Тоҷикистон барои солҳои 2019-2023» нақшаи чорабиниҳои ҳамҷояи бахши ҳифзи муҳити зист ва идораи давлатии беҳдошти замин ва обёрӣ дар ноҳияи Зафаробод амалӣ гардида, бо мақсади беҳтар намудани ҳолати мелиоративии замин 20,4 км заҳбуру заҳкаш тоза карда шуд.
Маъракаи ниҳолшинонӣ дар ноҳияи Масчоҳ
- Подробности статьи
- Автор
- Категория Новости
Дар доираи корҳои ободониву хуррамгардонӣ ба истиқболи 30-солагии Истиқлолияти давлатии Ҷумҳурии Тоҷикистон дар Боғи фарҳангӣ - фароғатии “Тоҷикистон”-и ноҳияи Масчоҳ бо иштироки Раиси вилояти Суғд ва кормандони сохторҳои мақомоти иҷроияи ҳокимияти давлатии ноҳия, 450 бех ниҳолҳои ҳамешасабзу ороишӣ шинонида шуд. Бахши ҳифзи муҳити зисти ноҳияи Мастчоҳ барои ин маърака 200 бех ниҳоли ардачро харидорӣ намуд. Тибқи нақшаи чорабиниҳои тасдиқгардида оид ба ниҳолшинонӣ, кабудизоркунӣ ва солимгардонии муҳити зист дар ноҳия беш аз 283 ҳазор бех ниҳолҳои ороишиву ҳамешасабз, мевадиҳанда ва гулу гулбуттаҳо шинонида мешавад.
05 Февраль 2021
Чорабиниҳо дар рӯзҳои ташрифи Сарвари давлат ба вилояти Суғд
- Подробности статьи
- Автор
- Категория Новости
Аз соли 2018 инҷониб бо корбарии мунтазами Раёсати ҳифзи муҳити зисти вилояти Суғд дар Муассисаи давлатии “Боғи миллии Ваҳдат” парвариши моҳӣ ба роҳ монда шудааст. Айни ҳол дар чор ҳавзи моҳипарварӣ дар масоҳати умумии 1,4 гектар се намуди моҳӣ парвариш ва нигоҳубин карда мешаванд. Дар ҷараёни боздиди Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз Муассисаи давлатии “Боғи миллии Ваҳдат” ба хотири амалӣ намудани “Барномаи рушди соҳаи моҳипарварӣ дар Ҷумҳурии Тоҷикистон”, ба ин ҳавзҳо боз 15 ҳазор сар моҳии навъҳои “амури сафед”, “пешонипаҳн ” ва “зағорамоҳӣ” сар дода шуданд. Ҳамзамон бо мақсади афзоиш ёфтани мурғи даштии тазарв дар табиат аз ҷониби Сарвари давлат 200 тазарви сирдарёӣ дар Боғи мазкур сар дода шуд.
04 Февраль 2021
Иди Сада дар шаҳри Конибодом
- Подробности статьи
- Автор
- Категория Новости
Дар қатори дигар шаҳру ноҳияҳои вилояти Суғд Иди миллии Сада дар шаҳри Конибодом низ бо шукӯҳу шаҳомати хоса бо ҷалби тамоми табақаҳои аҳолӣ ҷашн гирифта шуд. Чорабинӣ дар назди варзишгоҳи «Ҷавонӣ» баргузор гардида, дар он маҳсули ҳунарҳои мардумӣ, гулу парандаҳо, ниҳолҳои ороишиву мевадиҳанда, техникаи кишоварзӣ ,таомҳои миллӣ ба намоиш гузошта шуданд. Дар чорабинии мазкур аз ҷониби бахши ҳифзи муҳити зисти шаҳри Конибодом 20 намуди ниҳолҳои ҳамешасабз ва гулу буттаҳо пешкаши аҳолӣ гардид.
Аксияи «Тозагии соҳил» дар шаҳри Исфара
- Подробности статьи
- Автор
- Категория Новости
Дар асоси фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти вилояти Суғд, бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028»санаи 30 январи соли равон дар соҳили дарёи Исфара аксияи «Тозагии соҳил» гузаронида шуд. Дар аксия ҷавонон ва волонтерони бахши кор бо ҷавонон ва варзиши шаҳр фаъолона иштирок намуда, ду тарафи соҳили дарё аз партовҳои маишӣ ва алафҳои бегона тоза карда шуд. Мавриди зикр аст, ки бахши ҳифзи муҳити зисти шаҳр якҷоя бо шуъбаи кор ба ҷавонон чунин аксияҳои экологиро мунтазам доир менамояд, ки ин барои баланд бардоштани маърифати экологии чавонон мусоидат менамояд.