Аз тарафи бахши ҳифзи муҳити зисти шаҳри Исфара баҳри дар амал татбиқ намудани фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд оид ба пурзўр намудани чораҳои зиддиэпидемикӣ ва пешгирии паҳншавии сирояти коронавируси нави COVID-19 зарурӣ андешида шуда истодааст. Кормандони бахш якҷоя бо кормандони соҳаи тандурустӣ, аз он чумла Маркази назорати давлатии санитарию эпидемиологӣ корҳои тамизгардонии роҳи марказӣ, кўчаҳо, ҷойҳои ҷамъиятӣ ва иншоотҳои иҷтимоию хизматрасонӣ, ҳамчунин нуқтаҳои муваққатии партовҷамъкуниро гузарониданд. Чунин чораҷўиҳо дар ҳамаи ҷамоати шаҳраку деҳот низ гузаронида шуда истодааст.

Дар ноҳияи Ҷ.Расулов бахшида ба Иди Саиди Фитр ва дар доираи нақшаи чорабиниҳои истиқболи 30-солагии Истиқлолияти давлатии Ҷумҳурии Тоҷикистон ҳашари умуминоҳиявӣ, аз ҷумла аксияи «Тозагии маҳал» бо иштироки 1250 нафар сокинони ҷамоати шаҳраку деҳоти ноҳия баргузор гардид. Дар рафти ҳашар як қатор корҳои ободонӣ, аз қабили тоза намудани роҳҳо аз партов, тоза кардани гулгаштҳои байн ва қадди роҳ аз алафҳои бегона, рўбучини минтақаҳои назди идораву коргоҳҳо, муассисаҳо, сафед кардани хатҳои роҳтақсимкунӣ ва дигар корҳои ҷиҳати беҳтар намудани ҳолати ҳифзи муҳити зисти минтақаҳои ноҳия ба сомон расид. Дар маҷмуъ беш аз 35 метри мукааб партовҳо истеъмолӣ ба партовгоҳ бароварда шуд.

  Маъракаи кабудизоркуни, ободони ва солимгардонии муҳити зист дар шаҳри Хуҷанд рӯз то рӯз вусъати тоза гирифта истодааст. Бо ташаббуси шуъбаи ҳифзи муҳити зисти шаҳри Хуҷанд дар таърихи 20.05-и соли ҷорӣ дар майдону гулгаштҳо, кучаҳои И.Сомонӣ ва Р.Ҷали - и ш.Хуҷанд ҳашарҳои гулшинонӣ, нарм кардани бехи дарахтон ва сафед кунии дарахтон аз алафҳои бегона тоза намудани гулгаштҳо шуда гузашт, ки дар загару мазкур зиёда аз 80 нафар кормандони Сарраёсати ободони ва хоҷагии манзилию коммунали- и шаҳри Хуҷанд иштирок намудаанд.

Шуъбаи ҳифзи муҳити зисти шаҳри Хуҷанд дар асоси фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва  Раёсати ҳифзи муҳити зисти вилояти Суғд оид ба пешниҳод намудани маълумот доир ба пешгири намудани паҳншавии короновируси нави COVID-19, тоза намудани маҳалли зист, сари вақт баровардани партовҳо, безараргардонии қуттиҳои партовҷамъкунӣ ва дигар корҳо мавриди баррасӣ қарор дод.

     Дар натиҷа аз тарафи муовини сардори Раёсати ҳифзи муҳити зисти вилояти Суғд Абдумаликзода Б. ва сардори Шуъба Дӯсматов А. дар КВДК “Сарраёсати ободонӣ ва хоҷагии манзилию коммуналӣ”-и шаҳри Хуҷанд, КД “Истифодабарии манзил”-и соҳили рост ва КД “Истифодабарии манзил”-и соҳили чапи шаҳри Хуҷанд вохӯрӣ гузаронида, корҳои ташвиқотӣ  доир ба пешгири намудани паҳншавии короновируси нави COVID-19, тоза намудани маҳалли зист, сари вақт баровардани партовҳо, безараргардонии қуттиҳои партовҷамъкунӣ ва дигар корҳо гузаронида шуд.

 Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон, бо таври доимӣ тозаю озода нигоҳ доштани манбаъҳои обӣ, соҳилҳои дарёҳо, каналу ҷўйборҳо ва ҷалби бештари шаҳрвандон дар беҳтар намудани вазъи муҳити зист, тақвият бахшидан ба корҳои созандагию ободонӣ, баланд бардоштани сатҳи маърифати экологии аҳолӣ, инчунин амалигардонии нақшаи чорабиниҳо бахшида ба Даҳсолаи байналмиллалии амал «Об барои рушди устувор, солҳои 2018-2028» ва «Соли рушди деҳот, сайёҳӣ ва ҳунарҳои мардумӣ», иҷрои фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 9.01.2020, №10 дар бораи гузаронидани аксияи «Тозагии соҳил - 2020», бо ташабуси Раёсати ҳифзи муҳити зисти вилояти Суғд ва бо дастгирии ҶДММ «Сирдарё» тоза намудани қисми соҳили чапи дарёи Сир оғоз гардид. Дар давоми ду рўз бо истифода аз техникаҳои махсус 100 метр масоҳати соҳили дарё аз алаф ва лойқа тоза карда шуд.