Декабрь 2020
16 Декабрь 2020
Мониторинги вазъи кунунии ҳавзаи Сирдарё
- Подробности статьи
- Автор
- Категория Новости
Аз тарафи коршиносони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсат мониторинги вазъи кунунии ҳавзаи Сирдарё оғоз аз маҳаллаи Галламайдон то пойгоҳи обкашии Деҳмой-1 н.Б.Ғафуров ва Ҷ.Расулов гузаронида шуд. Айни замон майдонҳои кишти шолӣ бо баробари баланд шудани сатҳи оби Сирдарё зери об монда, дар ин маҳалҳо миқдори зиёди моҳиҳо сукунат доранд. Дар маҳалли мазкур 30 нафар моҳигирон – ҳаваскорон ба моҳидорӣ машғул шуда, сайди моҳии онҳоро намуди переси нуқрагин ташкил медиҳад. Андозаи моҳиҳои сайдшуда аз 16 то 23 см буда, ба қоидаҳои моҳидории Ҷумҳурии Тоҷикистон мувофиқат мекунад. Аксарияти дӯстдорон моҳигирон аъзои ҷамъияти шикорчиён ва моҳигирон мебошанд.
14 Декабрь 2020
Ниҳолшинонии кормандони мақомоти ҳифзи муҳити зисти вилояти Суғд
- Подробности статьи
- Автор
- Категория Новости
Дар баробари заҳмати пайгиронаи мардуми кишвар таҳти сарварии Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон баҳри ободу зебо гардонидани диёр, бисёр корҳои созандагӣ, кабудизоркунӣ ва бунёдкорӣ дар миқёси вилояти Суғд амалӣ гардида истодааст.Раёсати ҳифзи муҳити зисти вилоят низ дар партави дастуру супоришҳои Сарвари давлат таваҷҷўҳи бештарро ба ҳалли масъалаҳои муҳими экологӣ, аз он ҷумла барои тоза нигоҳ доштани маҳалли зист ва кабудизоркунӣ, баланд бардоштани ҳисси зебопарастӣ ва маърифати экологии аҳолӣ равона менамояд.
Санаи 13 декабри соли ҷорӣ бо иштироки Раиси вилояти Суғд кормандони Раёсати ҳифзи муҳити зист дар ду тарафи роҳи кўчаи Исмоили Сомонии маркази шаҳри Хуҷанд 70 бех ниҳоли дарахти ороишии кастона (каштан) шинониданд. Ғайр аз он, боз 300 бех ниҳоли дарахти ҳамешасабзи санавбар дар дигар кўчаҳои маркази вилоят ва шаҳри Гулистон бо ташаббуси мақомоти ҳифзи муҳити зист дар ин рўзҳои истироҳат шинонида шуд.
12 Декабрь 2020
Вохӯрӣ дар муассисаи таълимии ноҳияи Б.Ғафуров
- Подробности статьи
- Автор
- Категория Новости
Дар доираи эълон гардидани солҳои 2020-2040 "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф" ва бахшида ба Рӯзи байналмилалии кӯҳҳо аз ҷониби кормандони шуъбаи ҳифзи муҳити зисти ноҳияи Б.Ғафуров дар муассисаи таҳсилоти миёнаи умумии №84-и ноҳия вохўрӣ ташкил ва гузаронида шуд. Мутахассисони шуъба бо мақсади баланд бардоштани маърифат ва дониши экологии хонандагон дар бораи ин санаи экологӣ, ҳадафи эълон гардидани он ва ҳамчунин вобаста ба соҳаи ҳифзи муҳити зист баромад намуданд.
Вохӯрӣ бахшида ба Рўзи байналмилалии кўҳҳо дар шаҳри Бўстон
- Подробности статьи
- Автор
- Категория Новости
Бо иқдоми бахши ҳифзи муҳити зисти шаҳри Бўстон дар муассисаи таҳсилоти миёнаи умумии № 4 ба номи В.Я.Опланчук бахшида ба санаи 11 декабр – Рўзи байналмилалии кўҳҳо вохӯрӣ бо хонандагон доир гардид. Дар рафти вохўрӣ ба иштирокдорон маълумоти васеъ дар бораи ин санаи муҳими экологӣ пешниҳод гардид. Вохўрии мазкур бо мақсади гузаронидани корҳои ташвиқотӣ, баланд бардоштани маърифат ва дониши экологии хонандагони мактаб роҳандозӣ карда шуд.
11 Декабрь 2020
Вохӯрӣ бо донишчўён бахшида ба санаи экологӣ
- Подробности статьи
- Автор
- Категория Новости
Ҷумҳурии соҳибистиқлоли Тоҷикистон диёри кӯҳсор мебошад ва 93 фоизи масоҳати ҷумҳурӣ аз кӯҳҳо иборатанд. Бинобар он, басо рамзист, ки ба санаи 11 декабр - Рӯзи байналмилалии кӯҳҳо аҳамияти хоса дода мешавад. Бахшида ба ин санаи экологӣ кормандони бахши ҳифзи муҳити зисти шаҳри Исфара бо мақсади рушди тарбия ва баланд бардоштани маърифати экологӣ, дар филиали Донишгоҳи технологии Тоҷикистон дар шаҳри Исфара бо донишчўён вохӯрӣ баргузор намуданд. Мутахассисони бахш дар бораи ҳамасола ҷашн гирифтани санаи 11 декабрро бо мақсади тарғиби аҳамияти рушди устувори манотиқи кӯҳсор аз ҷониби табиатдӯстони олам маълумот пешниҳод кардаанд. Ҳамзамон қайд гардид, ки қариб 15 фоизи аҳолии кураи замин дар манотиқи кӯҳсор умр ба сар мебаранд ва СММ ҳадафи таҷлили рӯзи кӯҳсорро тарғиби рушди устувори минтақа мешуморад.
Санаи экологӣ. 11 декабр – Рӯзи байналмилалии куҳсор
- Подробности статьи
- Автор
- Категория Новости
Ҷумҳурии соҳибистиқлоли Тоҷикистонро дар ақсои олам пеш аз ҳама чун диёри кӯҳсор мешиносанд. Ҳар тоҷику тоҷикистонӣ ба хубӣ медонад ва ифтихор дорад, ки 93 фоизи масоҳати ҷумҳурӣ аз кӯҳҳои сарбафалак иборатанд. Пӯшида нест, ки дар Тоҷикистон тамоми элементҳои чадвали даврии Менделеевро дарёфт намудаанду хоса дар манотиқи куҳсор ганҷҳои бепоён нуҳуфтаанд. Дар кишвари мо силсилакӯҳҳои баландтарини олам - Помир, Тиёншон ва Олой ба ҳам меоянд. Аз ҳама ганҷҳои бебаҳои табиати куҳҳои сарсафед оби мусаффо буда, қариб 1000 дарёҳои дарозиашон аз 10 км зиёд, 60 фоизи оби Осиёи Марказӣ маҳз аз кӯҳҳои Тоҷикистон сарчашма мегиранд.
Вохӯрӣ бо хонандагони Литсейи касбӣ техникӣ
- Подробности статьи
- Автор
- Категория Новости
Кормандони бахши ҳифзи муҳити зисти шаҳри Истаравшан бо мақсади баланд рушди тарбия ва маърифати экологии ҷавонон, бахшида ба эълон гардидани солҳои 2020-2040 «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Муассисаи давлатии таълимии «Литсейи касбӣ техникии шаҳри Истаравшан» бо хонандагон вохӯрӣ гузарониданд. Мутахассисони бахш дар бораи санаи экологӣ - Рӯзи байналмилалии кӯҳҳо ва ҳадафи эълон гардидани он, ҳамчунин маълумот вобаста ба соҳаи ҳифзи муҳити зист, аз он чумла самти истифода ва ҳифзи олами набототу ҳайвонот, муомилот бо партовҳои истеъмолӣ ва чорабиниҳои экологӣ баромад намуданд.
Вохӯрӣ дар бахши ҳифзи муҳити зисти шаҳри Панҷакент
- Подробности статьи
- Автор
- Категория Новости
Дар маркази бозомўзии бахши ҳифзи муҳити зисти шаҳри Панҷакент бо мақсади баланд бардоштани маърифати экологии аҳолӣ мутахассисон бо намояндагони ҷамоати деҳот ва кумитаҳои маҳалла вохўрӣ баргузор намуданд. Ҳангоми сухан ва баромад ба иштирокчиён дар бораи санаҳои муҳими экологӣ, аз он ҷумла санаи 11 декабр - Рӯзи байналмилалии кӯҳҳо, қонунгузории соҳаи ҳифзи муҳити зист ва дигар маълумоти бобати пешгирии қонунвайронкунӣ пешниҳод гардид. Дар охири вохўрӣ саволу ҷавоб ба амал омада, ба ҳамаи онҳо маълумоти мушаххас пешниҳод карда шуд. Чунин вохўриҳо бо намояндагони дигар ҷамоату деҳот низ минбаъд мунтазам гузаронида мешавад.
10 Декабрь 2020
Маъракаи ниҳолшинонӣ дар ноҳияи Зафаробод
- Подробности статьи
- Автор
- Категория Новости
Баҳри дар сатҳи баланд гузаронидани маръраки кабулизоркунӣ ва ободонӣ дар ноҳияи Зафаробод бо иштироки роҳбарият ва кормандони сохторҳои мақомоти иҷроияи ҳокимияти давлатии ноҳия, намояндагони корхонаю муассиса ва ташкилот дар ҳудуди ҷамоати шаҳраки Зафаробод маъракаи ниҳолшинонӣ баргузор гардид. Дар маъракаи мазкур беш аз 90 нафар иштирок карда, зиёда аз 200 бех ниҳолҳои дарахтони ҳамешасбз шинонида шуд.
Вохӯрӣ дар гимназия бахшида ба санаи экологӣ
- Подробности статьи
- Автор
- Категория Новости
Дар шаҳри Гулистон бахшида ба санаи 11 декабр – Рўзи байналмилалии кўҳҳо аз тарафи бахши ҳифзи муҳити зист дар гимназияи №1 вохӯрии хонандагон бо корманди бахш ташкил гардид. Дар рафти вохўрӣ дар бораи ҳадафи эълон гардидани ин санаи экологӣ ва дигар масъалаҳои вобаста ба соҳаи ҳифзи муҳити зист сухан карда шуд. Ҳамзамон, қайд гардид, ки баргузории чунин вохўриҳо барои баланд бардоштани маърифат ва дониши экологии насли наврас, ҷавонон мусоидат менамояд.