Июнь 2020
17 Июнь 2020
Санаи экологӣ 17 июн - рӯзи умумиҷаҳонии мубориза алайхи биёбоншавӣ ва хушксолӣ
- Подробности статьи
- Автор
- Категория Новости
Биёбоншавӣ – яке аз муаммоҳои замони муосир мебошад, ки дар зиёда аз 100 кишвари олам ба мушоҳида мерасад, яъне панҷяк ҳиссаи аҳолии рӯи замин бо ин муаммо рӯ ба рӯ аст. Бо назардошти ин мушкилот Маҷмаи умумии СММ соли 1994 дар бораи эълони Рӯзи умумиҷаҳонии мубориза бо биёбоншавӣ ва хушксолӣ дар санаи 17 июн қарор қабул намуд. Дар худи ҳамин сол Конвенсияи СММ оид ба биёбоншавӣ қабул гардид. Аз кишварҳои аъзо даъват ба амал оварда шуд, ки дар ин рӯз (17 июн) оид ба баланд бардоштани иттилооти аҳолӣ дар мавриди зарурати ҳамкории байналмилалӣ дар мубориза бо биёбоншавӣ ва оқибатҳои хушксолӣ ва татбиқи Конвенсияи СММ доир ба мубориза бо биёбоншавӣ тадбирҳои зарурӣ андешанд. Ғайр аз он, худи биёбонро ҳамчун экосистемаҳои муҳим ва ҳамчун макони тамаддуни қадимӣ муҳофизат кардан зарур аст.
Бунёди боғи фарҳангӣ дар ноҳияи Мастчоҳ
- Подробности статьи
- Автор
- Категория Новости
Дар боғи фарҳангии навбунёди ноҳияи Мастчоҳ дар доираи баргузории чорабиниҳои омодагӣ ба ҷашни Рўзи Ваҳдати миллӣ корҳои ободонию кабудизоркунӣ амалӣ гардид. Бо иштироки кормандони мақомоти иҷроияи ҳокимияти давлатии ноҳия, хонаи фарҳанг, ташкилоту муассиса ва истиқоматкунандагони шаҳраки Бўстони ноҳияи Мастчоҳ, дар маҷмўъ беш аз 200 нафар, 100 бех ниҳоли дарахти ҳамешасабзи кипарис ва 100 без гулбуттаи ороишӣ (юка), ки аз ҷониби бахши ҳифзи муҳити зисти ноҳия дастрас гардидааст шинонида шуд. Сабз ва зебогардонии боғи мзкур мархила ба мархила то рўзи ҷашн идома ёфта, дар оянда симои маркази ноҳияро дигаргун хоҳад намуд.
Омодагӣ ба истиқболи ҷашнҳои миллӣ дар шаҳри Исфара
- Подробности статьи
- Автор
- Категория Новости
Баҳри тақвият бахшидани амалҳои созандагию бунёдкорӣ ҷиҳати омодасозии ҳудуди шаҳру деҳот барои дар сатҳи шоиста истиқболу таҷлил намудани ҷашнҳои миллии давлатӣ дармиқёси шаҳри Исфара аксияҳои «Тозагии маҳал» ва «Тозагии соҳил» баргузор гардид. Дар корҳои ободонӣ ва тоза намудани минтақаҳои маҳалли зист, ҳамагӣ 4,5 ҳазор нафар аҳли кормандони мақомоти иҷроияи ҳокимияти давлатии шаҳр, КИ ҲХДТ дар шаҳри Исфара, Раёсати маориф ва тандуристӣ, хоҷагии манзилию коммуналӣ, ташкилоту идораҳо, муассисаҳо ва аҳолии ҷамоти шаҳраку деҳот иштирок карда, зиёда аз 13,1 км ҷўйбор ва 2,4 км соҳили дарёву сой аз партовҳо тоза гардид. Ҳамчунин, атрофи корхонаҳо ва қадди роҳо, аз ҷумла роҳравҳои пиёдагард аз алафҳои бегона ва хушк тоза карда шуд.
15 Июнь 2020
Амалиёти фаврӣ оид ба ҳифзи олами набототу ҳайвонот
- Подробности статьи
- Автор
- Категория Новости
Нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд дар шоҳроҳи Душанбе – Хуҷанд – Чаноқ, минтақаи ноҳияи Деваштич амалиёти фаврӣ гузарониданд. Мақсади асосии баргузории амалиёти мазкур ин пешгирии фурўши ғайриқонунии ҳайвоноти нодир, аз ҷумла мори печони шарқӣ, хорпуштак ва сангпушт мебошад. Ҳамзамон, амалиёти фаврӣ дар ҳудуди Муассисаи давлатии хоҷагии ҷангали ба номи Г.П. Мусоеви ноҳияи Деваштич оид ба ошкор намудани буриши ғайриқонунии дарахтони арча, шикори ғайриқонунӣ, чаронидани чорво дар ҳудуди чарогоҳҳои хоҷагии ҷангал ва дигар қонунвайронкуниҳо гузаронида шуд.
12 Июнь 2020
Баргузории аксияи «Тозагии маҳал» дар шаҳри Истаравшан
- Подробности статьи
- Автор
- Категория Новости
Баҳри иҷрои дастуру супоришҳои мақомоти болоӣ ва тозаву обод нигоҳ доштани муҳити зисти шаҳри Истаравшан, бо ташаббуси бахши ҳифзи муҳити зист аксияи «Тозагии маҳал» баргузор гардид. Дар чорабинии умумишаҳрӣ зиёда аз 800 нафар намояндагони корхона ва ташкилот, аз ҷумла беморхонаҳои марказӣ ва хусусӣ, кумитаи маҳаллаҳо, соҳибкорон ва аҳолии ҷамоати шаҳраку деҳот иштирок намуда, як қатор корҳои ободониро ба сомон расониданд. Ҷўйбори обгузари ду канори хиёбони И.Сомонӣ ва хиёбони Истиқлол ба масоҳати 3,2 км, ҳамзамон атрофи назди биноҳои маъмурӣ ва корхонаю ташкилот аз алафи хушки бегона тоза карда шуд. Дар ҳамаи ҷамоати шаҳраку деҳот чунин чорабинӣ амалӣ гардида, дар мавзеъҳои ҷамоати деҳоти Зарҳалол, Пошкент, Нофароҷ, Ҷавкандак ва Чорбоғ заминҳои қадди роҳи Душанбе – Хуҷанд – Чаноқ нарм гардид. Ҳамзамон, корҳои тоза намудани қадди роҳи мазкур аз партовҳо, алафи бегонаи хушк ва сафед кардани зиёда аз 220 пояҳои дарахтон ба иҷро расид.
Чорабиниҳои экологӣ дар ноҳияи Б.Ғафуров
- Подробности статьи
- Автор
- Категория Новости
Мувофиқи нақшаи пешбинигардида ва дар доираи чорабиниҳои бахшида ба Рўзи байналмилалии муҳити зист дар ҷамоати деҳоти Хистеварзи ноҳияи Б.Ғафуров аксияи «Тозагии маҳал» ва «Тозагии роҳ» гузаронида шуд. Аз тарафи кормандони бахши ҳифзи муҳити зисти ноҳия бо ҷалби аҳолӣ ва намояндагони хоҷагиҳои қадди роҳ, муассиса ва ташкилот, дар маҷмўъ 350 нафар корҳои ободони ба сомон расонида шуд. Дар рафти аксия 6,7 км ду тарафи роҳи Б.Ғафуров – Конибодом аз партов ва алафи хушк тоза карда шуд. Ҳамзамон, баҳри пешгирии пайдошавии партовҳои бесоҳиб бо аҳолии, ки хонаи истиқоматӣ дар наздикии роҳ доранд, корҳои фаҳмондадиҳӣ оид ба тозаю озода нигоҳ доштани атроф, напартофтани партовҳо дар ҷойҳои ғайрирасмӣ амалӣ гардид. Дар охири баргузории аксия зиёда аз 15 метри мукааб партовҳо ба партовгоҳи ноҳия бароварда шуд.
Баргузории чорабиниҳои экологӣ дар шаҳри Гулистон
- Подробности статьи
- Автор
- Категория Новости
Дар доираи нақшаи чорабиниҳои бахшида ба Рўзи байналмилалии муҳити зист дар шаҳри Гулистон аз ҷониби кормандони бахши ҳифзи муҳити зист тадбирҳои зарури андешида шуда, як қатор чорабиниҳо баргузор гардид. Бо иқдоми пешгирифтаи кормандони бахш дар минтақаҳои обанбори Баҳри Тоҷик, ки шаҳрвандон ба он ҷо барои оббозӣ мераванд, аксияи «Тозагии соҳил» ташкил ва гузаронида шуд. Дар аксия зиёда аз 250 нафар аҳолӣ иштирок намуда, беш аз 4 км соҳили обанбор ва ҷойҳои обутобгоҳ ташкил гардида аз ҳаргуна партовҳо, хусусан партовҳои пластикӣ тоза карда шуд. Ҳамагӣ қариб 3 метри мукааб партовҳо бароварда шуд.
11 Июнь 2020
Чорабиниҳои муҳими экологӣ дар шаҳри Конибодом
- Подробности статьи
- Автор
- Категория Новости
Дар шаҳри Конибодом дар арафаи таҷлили Рўзи байналмилалии муҳити зист як қатор чорабиниҳо дар асоси дастуру супоришҳои мақомоти болоӣ ва нақшаи чорабиниҳои тасдиқгардида баргузор гардид. Дар давоми ду рўз аксияҳои «Тозагии маҳал» ва «Тозагии соҳил» дар миқёси шаҳр ва ҷамоати деҳот ҳамагӣ бо иштироки беш аз 3,9 ҳазор нафар шаҳрвандон гузаронида шуд. Боиси қайд аст, ки якҷоя бо Идораи беҳдошти замин ва обёрӣ дар шаҳр 2,4 км селроҳаи №7 бо ҷалби техникаи махсус кофта тоза карда шуд. Дар корҳои мазкур 45 нафар мутахассисону кормандони хоҷагии об ширкат варзиданд.
Дар ҳудуди хиёбони марказии Исмоили Сомонӣ ва ду тарафи шоҳроҳи нақлиётгарди Коллеҷи технологии шаҳр бо иштироки 540 нафар шаҳрвандон корҳои рўбучин дар масоҳати 2,1 ҳазор метри мураббаъ, тоза кардани ҷўйбор – 1,2 км, сафед намудани пояҳои 64 адад дарахтон бо ба шакл даровардани шоҳҳо ва баровардани партов – 6,2 тн амалӣ гардид.
Чорабиниҳои экологӣ дар ноҳияи Ашт
- Подробности статьи
- Автор
- Категория Новости
Дар доираи нақшаи чорабиниҳои бахшида ба Рўзи байналмилалии муҳити зист дар ноҳияи Ашт аксияҳои «Тозагии маҳал», «Тозагии соҳил» ва «Тозагии роҳ» гузаронида шуд. Аз тарафи кормандони бахши ҳифзи муҳити зисти ноҳия бо ҷалби аҳолӣ ва кормандони коргоҳҳо, муассисаҳо ва ташкилот, дар маҷмўъ 2330 нафар як қатор корҳо ба сомон расонида шуд. Дар рафти аксияҳо 11,3 км ду тарафи роҳҳои асосӣ, 1,5 ҳазор метри мураббаъ саҳни ҳавлии ташкилоту идораҳо ва ҷўйборҳои қадди роҳҳо аз партовҳо тоза карда шудаанд. Ҳамчунин, партовҳои бесоҳиб дар ҳаҷми 5,8 тн ба партовгоҳи расмӣ бароварда шуд. Дар ҷамоати деҳоти Ашт, Понғоз, Пунук, Ошоба ва Шайдон ду тарафи сойҳо низ аз партовҳо тоза гардид.
Баҳри ободу тоза нигоҳ доштани ҷойҳои истироҳати мардум, бо иштироки 220 нафар намояндагони ташкилоту идораҳои маркази ноҳия, дар боғи фарҳангию фароғатии ба номи Маҳмудҷон Воҳидови шаҳраки Шайдони чунин аксия баргузор гардид. Ҳамзамон, бобати пешгирӣ аз касалии пандемия коронавирус COVID – 19 дар ҷамоати шаҳраку деҳот, хусусан маҳаллаҳои аҳолинишин ва хонаҳои истиқоматӣ корҳои безараргардонӣ ва дигар тадбирҳо андешида шуд.
Чорабиниҳо бахшида ба санаи 5 июн дар ноҳияи Ҷ.Расулов
- Подробности статьи
- Автор
- Категория Новости
Дар доираи нақшаи чорабиниҳои бахшида ба санаи 5 июн – Рўзи байналмилалии муҳити зист дар ноҳияи Ҷ.Расулов аз тарафи кормандони бахши ҳифзи муҳити зист як қатор тадбирҳо андешида шуд. Мувофиқи чорабиниҳои пешбинигардида дар ҳудуди ноҳия ду маротиба аксияҳои «Тозагии маҳал» ва «Тозагии соҳил» дар бо иштироки аҳолии ҷамоати шаҳраку деҳот, кормандони муассисаҳо ва ташкилоти ноҳия гузаронида шуд. Дар натиҷаи ҳашарҳои мазкур 9 км қадди роҳҳои нақлиётгарди ҷамоати шаҳраки Меҳробод, 7 км ҷўйбор, аз чумла дар ҳудуди мавзеи муҷассамаи Исмоили Сомонӣ, 1 км селроҳаҳои «Исфанасой» ва «Томчисой» аз партовҳо тоза карда шуд. Ҳамзамон, кўчаю хиёбонҳои ҷамоати шаҳраку деҳот аз алафҳои бегона ва хушк тоза гардида, дар маҷмўъ 24 метри мукааб партовҳо бо воситаи нақлиёти хоҷагии манзилию коммуналӣ ба партовгоҳи марказии ноҳия бароварда шуд.