June 2025

11 June 2025

Маҷлиси тантанавӣ дар Маркази бозомӯзии шаҳри Гулистон доир ба таҷлил намудани Рӯзи байналмилалии муҳити зист

Подробности статьи: Автор; Категория News

Бо мақсади сазовор таҷлил намудани Рӯзи байналмилалии муҳити зист дар асоси фармоиши раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори сарраёсати ҳифзи муҳити зист дар вилояти Суғд дар Маркази бозомӯзии шаҳри Гулистон маҷлиси тантанавӣ бо иштироки муовини якуми раиси шаҳри Гулистон Муҳаммадзода Д., намояндагони корхонаву ташкилотҳо гузаронида шуд. Мудири бахши ҳифзи муҳити зист Комилзода Ҷ. ва муовини якуми раиси шаҳри Гулистон Муҳаммадзода Д. , зимни баромадҳои худ оид ба ин санаи экологӣ, ки ҳамасола ҷашн гирифта мешавад, баромад намуда, қайд намуданд, ки Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста дар ҷаласаву ҳамоишҳои сатҳи ҷаҳонию минтақавӣ барои андешидани чораҳо ҷиҳати таъмини аҳолии сайёра бо оби тоза, коҳиши раванди гармшавии иқлим ва пайомадҳои манфии тағйирёбии он талош меварзанд.

Саҳми ҷавонон дар баланд бардоштани маърифати экологӣ

Подробности статьи: Автор; Категория News

Бо мақсади таҷлили сазовори Рӯзи байналмилалии муҳити зист, баланд бардоштани маърифати экологии аҳолӣ бо иқдоми бахши ҳифзи муҳити зист дар бозори марказии ноҳияи Масчоҳ аксияи ташвиқотиву тарғиботӣ ташкил ва гузаронида шуд. Аз ҷониби донишҷӯёни коллеҷи кишоварзии ноҳияи Масчоҳ ба аҳолӣ буклету варақаҳои иттилоотӣ тақсим карда шуд.

05 June 2025

Табрикоти сардори Сарраёсати ҳифзи муҳити зист дар вилояти Суғд Холзода Суҳроб Хол ба ифтихори Рўзи байналмилалии муҳити зист

Подробности статьи: Автор; Категория News

Рўзи байналмилалии муҳити зист дар Тоҷикистони соҳибистиқлол ва кулли кишварҳои олам ботантана таҷлил гардида, ба масъалаҳои таъмини амнияти экологии ҷомеа, аз ҷумла пок нигоҳ доштани муҳити атроф, ҳифз ва самаранок истифода бурдани сарватҳои табиӣ ва гуногунии биологӣ таваҷҷуҳи махсус зоҳир карда мешавад. Кормандони мақомоти соҳаи ҳифзи муҳити зист ва муҳофизону дӯстдорони табиат ҳар сол санаи 5 июн иди касбии худро қайд менамоянд. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста дар ҷаласаву ҳамоишҳои сатҳи ҷаҳонию минтақавӣ барои андешидани чораҳо ҷиҳати тағирёбии иқлим аз ҷумла, обшавии пиряхњо, таъмини аҳолии сайёра бо оби тоза, раванди гармшавии иқлим ва пайомадҳои манфии тағйирёбии он талош варзида, пешниҳодҳои мушаххаси марбут ба масъалаҳои муҳити зист дар байни кишварҳои ҷаҳон обрўву нуфузи баландро соҳиб гардидааст.

Маҷлиси тантанавӣ бахшида ба Рӯзи байналмилалии мӯҳити зист дар Сарраёсати ҳифзи муҳити зисти вилоят

Подробности статьи: Автор; Категория News

Бахшида ба Рӯзи байналмилалии муҳити зист дар Сарраёсати ҳифзи муҳити зисти вилоят маҷлиси тантанавӣ бо иштироки намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Ҷӯраев А.Ш., кормандони мақомоти ҳифзи муҳити зист, собиқадорони соҳа баргузор гардид. Бо суханони табрикӣ намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Ҷӯраев А.Ш. ва сардори Сарраёсати ҳифзи муҳити зист дар вилояти Суғд Холзода С.Х. ҳозиринро бо Рӯзи байналмилалии муҳити зист муборакбод намуда, қайд намуданд, ки ин рўз барои ҳамаи кормандон, мутахассисон ва алоқамандони соҳаи ҳифзи муҳити зист, дўстдорони табиат, умуман нафароне, ки дар соҳаи ҳифз ва беҳдошти муҳити зист заҳмат мекашанд, рўзи хурсандибахш аст. Зеро Рўзи байналмилалии муҳити зист яке аз санаҳои басо муҳим барои аҳли сайёра ҳисобида шуда, ҳамасола дар зиёда аз 130 давлат ботантана қайд карда мешавад. Таъкид гардид, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оид ба масъалаҳои экологӣ пайваста дар ҷаласаву ҳамоишҳои сатҳи ҷаҳонию минтақавӣ барои андешидани чораҳо ҷиҳати тағирёбии иқлим аз ҷумла, обшавии пиряхҳо, таъмини аҳолии сайёра бо оби тоза, раванди гармшавии иқлим ва пайомадҳои манфии тағйирёбии он талош варзида, пешниҳодҳои мушаххаси марбут ба масъалаҳои муҳити зист дар байни кишварҳои ҷаҳон обрўву нуфузи баландро соҳиб гардидааст.

02 June 2025

Баргузории аксияи "Тозагии соҳил" дар шаҳри Гулистон

Подробности статьи: Автор; Категория News

Бахшида ба Рӯзи байналмилалии муҳити зист бо иқдоми бахши ҳифзи муҳити зист дар соҳили обанбори "Баҳритоҷик", ки мавзеи истироҳативу фароғатӣ аст ва ҳамарӯза меҳмонон аз дохил ва хориҷи кишвар барои истироҳат ташриф меоранд, аксияи «Тозагии соҳил» гузаронида шуд. Дар аксия 240 нафар кормандони ташкилот, идораҳо ва муас-сисаҳои шаҳр фаъолона иштирок намуда, дар натиҷа зиёда аз 5,7 м3 партовҳо бароварда шуд. Ҷараёни чорабинӣ тариқи телевизиони ҷумҳуриявӣ ба навор гирифта шуд.

Ҳифзи табиат - ҳифзи Ватан аст!

Подробности статьи: Автор; Категория News

Ба истиқболи Рӯзи байналмилалии муҳити зист, бо мақсади баланд бардоштани маърифати экологӣ бо иқдоми сарраёсати ҳифзи муҳити зист дар вилояти Суғд аксияи"Тозагии соҳил" гузаронида шуд. Аксия дар сойи Хоҷабоқирғони ноҳияи Бобоҷон Ғафуров бо иштироки муҳассилини муассисаҳои таълимӣ гузаронида шуда, ҳамаи иштирокчиён бо сарпӯшу футболка, дастпушу халтаҳо таъмин карда шуданд. Рафти аксия тариқи телевизионҳои ҷумҳуриявӣ ва вилоятӣ ба навор гирифта шуд.