April 2021

19 April 2021

Баргузории аксияҳои «Тозагии маҳал», «Тозагии роҳ» ва «Тозагии соҳил» дар вилояти Суғд

 Бо мақсади беҳтар намудани вазъи экологии муҳити зист, сазовор пешвоз гирифтани 30-солагии Истиқлолияти давлатии Ҷумҳурии Тоҷикистон ва бахшида ба Рӯзи умумиҷаҳонии Замин ҷиҳати вусъат бахшидан ба корҳои созандагию ободкорӣ, ободонию кабудизоркунӣ, ба таври доимӣ тозаю озода нигоҳ доштану беҳтар намудани вазъи экологии кӯчаю маҳаллаҳо, заминҳои кишоварзӣ, шафати роҳҳо, соҳилҳо, ҷӯю каналҳо ва дарёҳо санаи 17 апрели соли равон бо ҷалби бештари шаҳрвандон, ҷавонону варзишгарон, кормандони корхона, ташкилот ва муассисаҳо новобаста аз тобеъият ва шакли моликият аксияҳои «Тозагии маҳал», «Тозагии роҳ» ва «Тозагии соҳил» гузаронида шуд.Дар аксияҳои «Тозагии маҳал», «Тозагии роҳ» ва «Тозагии соҳил» беш аз 50603 нафар ҷомеаҳои меҳнатии корхонаҳо, ташкилоту муассиса, хоҷагиҳо ва шаҳрвандон фаъолона иштирок доштанд.

Читать далее

17 April 2021

Насби таҷҳизоти сенсории муайянкунандаи сифати ҳаво дар шаҳри Хуҷанд

 Ташкилоти Ҷамъиятии «Гурӯҳи ҷавонон оид ба ҳифзи муҳити атроф» бо ҳамкории Раёсати ҳифзи муҳити зисти вилояти Суғд, бо дастгирии Сафорати Иёлоти Муттаҳидаи Амрико дар Тоҷикистон лоиҳаи «Беҳтаргардонии сифати зиндагӣ бо роҳи огоҳонидани мардум ва пешгирӣ аз ифлосшавии ҳаво»-ро дар минтақаи вилояти Суғд амалӣ гардонида истодааст. Тибқи ин лоиҳа дар марҳилаи аввал якчанд семинар - машваратҳои омӯзишӣ байни ҷавонон гузаронида шуда, зимнан стансияи мониторинги сифати ҳаво ташкил карда шуд. Аз тарафи раиси Ташкилоти Ҷамъиятии «Гурӯҳи ҷавонон оид ба ҳифзи муҳити атроф» Икром Мамадов қайд карда шуд, ки ҳадафи насб ва мониторинги сифати ҳавои атмосфера, ин пешниҳоди маълумоти онлайн оид ба сифати ҳаво барои сокинони шаҳри Хуҷанд мебошад. Нуқтаҳо дар маҳаллаҳои 19, 31, Ватан ва Бофандаи шаҳри Ҳуҷанд насб карда шудааст. Мониторинги 1 моҳа нишон дод, ки нишондодҳо асосан субҳ ва бегоҳ баланд мешавад, ки ин ба ифлосшавии ҳаво аз нақлиёт вобастагӣ дорад.

Читать далее

16 April 2021

Таҷлили санаҳои экологӣ дар муассисаи таълимии ноҳияи Деваштич

  Дар асоси нақшаи корӣ, бо мақсади баланд бардоштани маърифати экологии хонандагон аз тарафи бахши ҳифзи муҳити зисти ноҳияи Деваштич дар муассисаи таҳсилоти миёнаи умумии № 38-и ба У.Нарзуллоеви деҳаи Қалъачаи Азим, ҷамоати деҳоти Ғазантараки ноҳияи Деваштич чорабинии экологӣ ташкил ва гузаронида шуд. Он бо иштироки омӯзгорони фанни география, экология ва хонандагони синфҳои 9 гузаронида шуда, ба санаҳои экологӣ - ба Рӯзи донишҳои экологӣ ва Рӯзи умумиҷаҳонии замин бахшида шуд. Дар чорабинӣ хонандагон дар мавзуъҳои «Мо табиатро ҳифз менамоем», «Роҳҳои пешгирии ифлосшавии об», «Ҳаво - таркиб, хосиятҳои он ва роҳҳои тоза нигоҳ доштани он», «Ҳифзи муҳити зист» «Замин ва хусусиятҳои он» баромадҳо намуданд . Инчунин оид ба табиати зебои диёр ва муҳофизати он, ҳифзи олами набототу ҳайвонот, самаранок истифодабарии захираҳои обӣ аз ҷониби гурӯҳи хонандагон гуфторҳо ва шеърҳо қироат гардид.

Читать далее

Амалиётҳои фаврӣ дар давраи тухмигузории моҳиҳо

  Дар асоси нақшаи чорабиниҳои мақомоти ҳифзи муҳити зист дар давраи тухмигузории моҳиҳо дар дарёву обанборҳо мунтазам амалиётҳои фаврии шабонарӯзӣ гузаронида шуда истодааст.  Ҳангоми гузаронидани чунин амалиёт дар минтақаи Туқай соҳили дарёи Сир аз тарафи кормандони бахши ҳифзи муҳити зисти ноҳияи Ҷаббор Расулов зиёда аз 130 метр тӯри моҳигирии бесоҳиб дарёфт ва мусодира карда шуд.

Читать далее

Корҳои фаҳмондадиҳӣ дар давраи тухмигузории моҳиҳо

  Амалӣ намудани фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилоят ва татбиқи нақшаи - чорабиниҳо дар давраи манъи сайди моҳӣ доимо зери назорати мутахассисони мақомоти ҳифзи муҳити зист қарор дорад. Ба ҷуз аз мубориза бурдан бар зидди қуруқшиканҳо, гузаронидани корҳои оммавии ташвиқотию тарғиботӣ ва фаҳмондадиҳӣ дар байни аҳолӣ оиди роҳ надодан ба қонуншиканиҳо, ифлос накардани муҳити зисти организмҳои обӣ, хусусан ҷойҳои тухмигузории моҳиҳо, ҳаракат накардан бо заврақҳо дар обанбору дарёҳо, сайру гашти шаҳрвандон ва боркашонӣ, гирифтани хоку кум аз ҷойҳои тухмигузории моҳиҳо, даравидани камишзорҳо ва растаниҳои обӣ, партофтани партовҳои маданию маишӣ ва ғайраҳо барои баланд намудани донишҳои экологӣ ва маърифату маданияти шаҳрвандон самараи хуб медиҳад.

Читать далее

Корҳои ободонӣ ва баргузории аксияҳои экологӣ дар ноҳияи Шаҳристон

   Баҳри амалӣ намудани нақшаи чорабиниҳои бахшида ба истиқболи 30-солагии Истиқлолияти Ҷумҳурии Тоҷикистон ва тибқи нақшаи пешбинигардидаи мақомоти ҳифзи муҳити зист дар ноҳияи Шаҳристон аксияҳои экологӣ ва дигар корҳои вобаста ба ободонию кабудизоркунӣ баргузор гардид. Дар ҷамоати деҳоти Шаҳристон ва Бунҷикат аксияи «Тозагии маҳал» бо иштироки беш аз 900 нафар намояндагони корхона, ташкилоту муассисаҳо ва аҳолие, ки ҷойи истиқоматашон қадди роҳ мебошад гузаронида шуд. Дар рафти аксия корҳои асосӣ ба обод кардани ду канори роҳи протоколӣ бахшида шуда, дар натиҷа 1 км кӯча рӯбучин ва 1,6 км ҷӯйбор тоза гардида, инчунин 400 метр девори коргоҳу дигар биноҳои дар қадди роҳи протоколӣ мавҷуд буда сафед карда шуд. Ҳамзамон ба партовгоҳи ноҳиявӣ 3 метри мукааб партовҳо бароварда шудааст. Дар баробари ин, дар қисмати Шаҳристон-сой, ки аз ҳудуди ҷамоати деҳоти Шаҳристон мегузарад аксияи «Тозагии соҳил» бо иштироки 200 нафар хонандагони мактабҳо, Литсейи касбӣ – ҳунарӣ ва мураббиёни муассисаи томактабӣ гузаронида шуд.

Читать далее

Таҷлили Рӯзи донишхои экологӣ дар муассисаи таълимии шаҳри Панҷакент

   Баҳри татбиқи нақшаи чорабиниҳои бахши ҳифзи муҳити зисти шаҳри Панҷакент, бо мақсади баланд бардоштани дониш ва маърифати экологӣ дар муассисаи таҳсилоти миёнаи умумии № 15 бо хонандагони синфҳои 10-11 вохӯрӣ доир гардид. Мутахассиси бахш ба хонандагон оид ба ҳадаф ва таърихи ин санаи экологӣ маълумоти муфассал пешниҳод намуда, даъват намуд, ки баҳри ободиву сарсабзӣ, тозаву озода нигоҳ доштани маҳалли зист ва муҳити атроф, инчунин дар чорабиниҳои экологӣ фаъолона иштирок намоянд. Дар вохӯрӣ ҷонишини директори мактаб низ иштирок намуда, барои баргузории чунин вохӯриҳо изҳори қаноатмандӣ намуда, изҳор намуд, ки хонандагон бояд бештар ба мавзуъхои экологӣ диққати махсус диҳанд.

Читать далее

Таҷлили Рӯзи умумиҷаҳонии дониши экологӣ дар муассисаи таълимии ш.Хуҷанд

 Пешбурди донишҳои экологӣ, ташаккули маърифати экологии аҳолӣ, бохабар намудани ҷомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест - ҳадафи асосии баргузории рӯзи дониши экологӣ мебошад. Доир ба ин мавзуъ дар муассисаи таҳсилоти миёнаи умумии  №23-и ба номи А.Фирдавсии шаҳри Хуҷанд вохӯрии кормандони шуъбаи ҳифзи муҳити зист бо омӯзгорон ва хонандагони синфҳои болоӣ доир гардид. Корманди шуъбаи ҳифзи муҳити зист доир ба тарбия, маърифат ва роҳҳои ташаккули маданияти экологӣ баромад намуд. Аз тарафи хонандагони муассиса дар мавзуъҳои мухталифи хифзи муҳити зист, нигоҳдорӣ ва ҳифзи сарватҳои табиӣ, захираҳои об ва замин, ҳифзи ҳавои атмосфера, олами бою рангини наботот ва ҳайвоноти кишварамон баромадҳо пешкаш гардид.

Читать далее

Вохӯрӣ дар муассисаи таълимии шаҳри Истиқлол

  Бахшида ба 15-апрел Рӯзи донишҳои экологӣ дар муассисаи таҳсилоти миёнаи умумии № 1-и шаҳри Истиқлол бо иштироки мудири бахши ҳифзи муҳити зисти шаҳр вохӯрӣ ва дарси кушод ташкил карда шуд. Дар ҷараёни вохӯрӣ аз тарафи мудири бахш дар бораи роҳҳои баланд бардоштани маърифати экологӣ, муаммоҳои экологии ҷойдошта дар шаҳр, корҳои ободониву ниҳолшинонӣ дар маҳалли зист маълумот пешниҳод гардид. Омӯзгори фанни биология ва экология низ оид ба ғанӣ гардонидани дониши экологӣ, аз ҷумла вобастагии табиату наботот, ҳайвоноту растаниҳо, муносибати ғамхорона нисбати табиат ибрози ақида намуд.

Читать далее

Аксияи «Тозагии маҳал» дар ноҳияи Зафаробод

 Бо мақсади дар сатҳи баланд пешвоз гирифтани 30-солагии Истиқлолияти давлатии Ҷумҳурии Тоҷикистон, тозаву обод ва солимгардонии муҳити зист дар ҳудуди ҷамоати шаҳраки Зафаробод аксияи «Тозагии маҳал» гузаронида шуд. Аз рӯи маълумоти бахши ҳифзи муҳити зисти ноҳия дар аксия зиёда аз 80 нафар донишҷӯёни Коллеҷи политехникии ноҳия иштирок намуда, 500 метр ҷӯйборҳо тоза, 340 бех дарахтон сафед ва зиёда аз 2,6 тн партов бароварда шуд. Корҳои ободониву нихолшинонӣ дар дигар минтақаҳои ҷамоату шаҳраки деҳот идома дорад.

Читать далее

Скачано с веб-сайта JooMix.org.