December 2021
17 December 2021
Ҳифзи ҳайвоноту парандагони ваҳшӣ дар ноҳияи Шаҳристон
- Подробности статьи
- Автор
- Категория News
Тибқи нақшаи корӣ ва бо мақсади пешгирӣ намудани фавти ҳайвоноту парандагони ваҳшӣ аз сардиҳои зимистон ва ҳифз намудани онҳо дар талу теппаҳою доманакӯҳҳо аз ҷониби кормандони бахши ҳифзи муҳити зисти ноҳияи Шаҳристон якҷоя бо намояндагони муассисаи давлатии хоҷагии ҷангал дар мавзеи парваришгоҳи Дараи сабзи ноҳия корҳои биотехникӣ гузаронида шудааст. Боиси қайд аст, ки тибқи маълумоти мутахассисон дар ин мавзеъ намудҳои олами ҳайвоноти ваҳшӣ ба монанди хирс, гург, бузи кӯҳӣ, хуки ёбоӣ, харгӯш, кабк ва дигар намуди парандаҳо сукунат доранд. Барои паст намудани таъсири обуҳавои номусоиди фасли зимистон ба олами ҳайвонот дар мавзеи мазкур гандум – 100 кг, ҷав – 50 кг, сабус - 60 кг, картошка - 300 кг, сабзӣ – 150 кг, лаблабу - 100 кг, себ – 100 кг, намак – 20 кг ва бастаи хошок – 40 адад паҳн карда шуд.
Корҳои биотехникӣ дар минтақаҳои баландкӯҳи ноҳияи Деваштич
- Подробности статьи
- Автор
- Категория News
Барои беҳтар намудани вазъи зисти ҳайвоноти ваҳшӣ ва ташкил намудани хӯроки иловагӣ дар ҳолати сард омадани обу ҳаво дар ду мавзеи ноҳияи Деваштич аз ҷониби кормандони бахши ҳифзи муҳити зист ва муассисаи давлатии хоҷагииҷангал корҳои биотехникӣ доир гардидааст. Дар мавзеи Шировути ноҳия 200 кг картошка, 200 кг ҷав, 50 кг намак ва 20 банд хошоки дағал пошида шудааст. Дар мавзеи Даҳанасойи ноҳия низ бо иштироки муовини сардори сарраёсати ҳифзи муҳити зисти вилояти Суғд бо истифодаи 350 кг картошка, 300 кг ҷав, 200 кг шалғам, 60 кг намак ва 25 банд хошоки дағал корҳои биотехникӣ гузаронида шудааст. Дар ҳудуди хоҷагии ҷангали ба номи Ғаниҷон Мӯсоеви ноҳия тибқи маълумоти баҳисобгирии мутахассисони соҳаи ҷангалпарварӣ як қатор намуди ҳайвоноту паранда, аз он ҷумла кабутар, хуки ёбоӣ, гург, харгуш, рубоҳ, хирс, бузи куҳӣ, кабк ва дигар ҷонварон ба қайд гирифта шудаанд.
Маъракаи ниҳолшинонӣ ва бартараф намудани партовҳои бесоҳиб дар ноҳияи Ҷ.Расулов
- Подробности статьи
- Автор
- Категория News
Дар давоми ду рўз дар ноҳияи Ҷ.Расулов корҳои рў ба беҳдошти муҳити зист нигаронида амалӣ гардид. Ободии кўчаи протоколии марказ – ҷамоати шаҳраки Меҳрободи ноҳия дар мадди аввали назари кормандони мақомоти ҳифзи муҳити зист буда, бо мақсади обод намудани қадди роҳи нақлиётгард аз ҳисоби бахши ноҳия 60 бех ниҳолҳои дарахтони ҳамешасабзи санавбар харидорӣ карда, якҷоя бо 35 нафар сокинони маҳалла шинонида шудааст. Ҳамчунин, дар ҷамоати деҳоти Ғўлакандоз ва ҷамоати шаҳраки Меҳрободи ноҳияи Ҷ.Расулов бо иштироки беш аз 600 нафар намояндагони ташкилоту идораҳо ва аҳолии маҳаллаҳо аксияи «Тозагии маҳал» доир гардид. Дар натиҷа 2,2 километр ҷўйбор тоза гардида, 18 метри мукааб партовҳо ба партовгоҳ бароварда шудааст. Баробари ин дар соҳили Исфана – сойи ҷамоати деҳоти Ғӯлакандоз ду нуқтаи партовҳои бесоҳиб бо истифодаи техникаи махсус бартараф гардид.Ҳаҷми партовҳои бесоҳиби бартарафгардида, дар маҷмўъ 6 метри мукаабро ташкил дод.
10 December 2021
Санаи экологӣ, 11 декабр – Рўзи байналмилалии кўҳсор
- Подробности статьи
- Автор
- Категория News
Ҷумҳурии соҳибистиқлоли Тоҷикистонро дар ақсои олам пеш аз ҳама чун диёри кӯҳсор мешиносанд. Ҳар тоҷику тоҷикистонӣ ба хубӣ медонад ва ифтихор дорад, ки 93 фоизи масоҳати ҷумҳурӣ аз кӯҳҳои сарбафалак иборатанд. Табиатдӯстони олам бо қарори 57-умини Ассамблеяи генералии СММ ҳамасола санаи 11 декабрро бо мақсади тарғиби аҳамияти рушди устувори манотиқи кӯҳсор ҳамчун рӯзи байналмилалии куҳсор ҷашн мегиранд. Азбаски кӯҳҳо 27 фоизи хушкии сайёраамонро ташкил медиҳад ва қариб 15 фоизи аҳолии кураи арз дар манотиқи кӯҳсор умр ба сар мебаранд, СММ ҳадафи таҷлили рӯзи кӯҳсорро тарғиби рушди устувори минтақа мешуморад. Дар кишвари мо силсилакӯҳҳои баландтарини олам - Помир, Тиёншон ва Олой ба ҳам меоянд. Аз ҳама ганҷҳои бебаҳои табиати куҳҳои сарсафед оби мусаффо буда, қариб 1000 дарёҳои дарозиашон аз 10 километр зиёд, 60 фоизи оби Осиёи Марказӣ маҳз аз кӯҳҳои Тоҷикистон сарчашма мегиранд. Пӯшида нест, ки дар Тоҷикистон тамоми элементҳои чадвали даврии Менделеевро дарёфт намудаанду хоса дар манотиқи куҳсор ганҷҳои бепоён нуҳуфтаанд. Ҳудуди вилояти Суғд асосан аз кӯҳҳо иборат мебошад.
Аксияи «Тозагии маҳал» дар ноҳияи Мастчоҳ
- Подробности статьи
- Автор
- Категория News
Бо мақсади тозаву обод намудани муҳити атроф ва беҳтар намудани вазъи экологӣ, тоза намудани ҷўйбору майдонҳои марказ аз хазону баргҳои хушк дар шаҳраки Бўстони ноҳияи Масчоҳ бо ташаббуси бахши ҳифзи муҳити зист аксияи «Тозагии маҳал» ташкил ва гузаронида шудааст. Дар рафти аксияи мазкур беш аз 400 нафар намояндагони ташкилоту идораҳои шаҳрак, аз ҷумла омўзгорону хонандагони муассисаҳои таълимӣ фаъолона иштирок намуда, як ќатор корҳои ободонӣ ба анҷом расонида шуд. Дар маҷмўъ, ба масоҳати 47 ҳазор метри мураббаъ ҳудуд ва ба масофаи 6,6 километр ҷӯйборҳо тоза гардида, ба партовгоҳ 51,4 тонна партовҳо бароварда шудааст. Баргузории аксияи «Тозагии маҳал» дар шаҳраки Бўстони ноҳияи Масчоҳ тариқи телевизионҳои маҳаллӣ ва марказӣ намоиш дода шуд.
09 December 2021
Назорати давлатӣ оид ба ҳифзи захираҳои моҳӣ
- Подробности статьи
- Автор
- Категория News
Тибқи нақшаи корӣ ва бо мақсади роҳандозии назорати давлатӣ дар самти ҳифзи захираҳои моҳӣ аз тарафи нозирони бахши ҳифзи муҳити зисти ноҳияи Ҷаббор Расулов амалиёти фаврӣ дар минтақаҳои соҳили Сирдарёи ҷамоати деҳоти Деҳмой, аз он ҷумла минтақаи Туқай гузаронида шудааст. Дар рафти амалиёт бо зиёда аз 20 нафар моҳидорони ҳаваскор, ки сокинони ҷамоати деҳоти Деҳмой, Гулхона, Ғўлакандоз ва ҷамоати шаҳраки Меҳрободи ноҳия мебошанд, корҳои фаҳмондидаҳӣ ва ташвиқотӣ оид ба моҳияти Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ» ва «Қоидаҳои моҳидорӣ дар обанборҳои аҳамияти моҳидоридоштаи Ҷумҳурии Тоҷикистон» амалӣ гардид. Ҳангоми амалиёти фаврии мазкур як қонунвайронкунӣ ошкор гардида, нисбати сокини ҷамоати деҳоти Гулхона Ҳурсанбоев Алиҷон протокол бо моддаи 223 Кодекси ҳуқуқвайронкунии маъмурии Ҷумҳурии Тоҷикистон тартиб дода шуд. Бо мақсади муҳофизат ва нигоҳдории захираҳои моҳиҳои обанборҳои вилоят дар дигар шаҳру ноҳияҳо низ чунин амалиётҳои фаврии назоратӣ гузаронида мешаванд.
Оғози маъракаи ниҳолшинонӣ дар шаҳри Панҷакент
- Подробности статьи
- Автор
- Категория News
Дар такя ба ташаббусҳои доимии Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати анҷом додани корҳои ободониву созандагӣ, ниҳолшинонию кабудизоркунии муҳити атроф дар шаҳри Панҷакент маъракаи ниҳолшинонӣ оғоз гардид. Кормандони бахши ҳифзи муҳити зисти шаҳри Панҷакент дар ин маърака фаъолона иштирок намуданд ва қайд кардан бамаврид аст, ки дар маъракаи ниҳолшинонӣ аз ҳисоби бахш 50 адад арча, 630 адад туяи шарқӣ, дар маҷмӯъ 680 бех ниҳолҳои дарахтони ҳамешасабз харидорӣ карда шудааст.
07 December 2021
Семинар машварат дар ноҳияи Ҷаббор Расулов
- Подробности статьи
- Автор
- Категория News
Дар замони муосир, ки тараққиёти иқтисодӣ ва зиёдшавии аҳолӣ ва инчунин талабот рӯз аз рӯз ба об меафзояд, қимати об аз нархи он гаронтар мебошад. Қобили зикр аст, ки дар доираи нақшаи чорабиниҳои Даҳсолаи байналмилалии амал «Об барои рушди устувор», солҳои 2018-2028 айни замон чораҳои амалӣ андешида шуда истодааст. Аз ҷониби мутахассисони бахши ҳифзи муҳити зисти ноҳияи Ҷаббор Расулов санаи 3 декабри соли ҷорӣ дар толори муассисаи таҳсилоти миёнаи умумии №13, бо иштироки масъулини мақомоти иҷрояи ҳокимияти давлатии ноҳия, намояндагони Лоиҳаи (Канада) Котиботи байналхалқии об дар вилояти Суғд ва беш аз 220 нафар сокинони ҷамоати деҳоти Гулхона, семинар машварат дар мавзӯи «Таъмини аҳолии деҳа бо оби нӯшокӣ» ташкил ва гузаронида шуд. Дар рафти семинари мазкур қайд гардид, ки норасоии об, хатари беш аз пеш обшавии пиряхҳо, азияти миллионҳо сокинони сайёра аз надоштани дастраси ба об, фавти кӯдакон дар ин замина ва афзудани бемориҳои сирояткунанда аз масъалаҳое ҳастанд, ки дар суҳбату маърузаҳои Сарвари кишвари тоҷикон пайваста мавриди андеша қарор мегирад.
01 December 2021
Баргузории ҷаласаи машваратии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон дар вилояти Суғд
- Подробности статьи
- Автор
- Категория News
Дар толори маҷлисгоҳи бахши ҳифзи муҳити зисти шаҳри Бӯстон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А., гурӯҳи кории Кумита, сардори сарраёсат ва кормандони мақомоти ҳифзи муҳити зисти вилоят ҷаласаи машваратӣ доир гардид. Дар ҷаласаи машваратӣ натиҷаи санҷиши комплексии фаъолияти сарраёсат ва зерсохторҳои он дар ҳашт моҳи соли 2021 мавриди баррасӣ қарор гирифт. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. аз роҳбарони зерсохторҳо дар шаҳру ноҳияҳо пурсиш ба амал оварда, барои ислоҳи камбудиҳои ҷойдошта, ки дар рафти санҷиши комплексӣ ошкор гардидаанд, супориш дод. Ҳамчунин ҷиҳати пешниҳоди ҳисоботҳо, дар муҳлатҳои муқарраргардида гузаронидани санҷишҳои нақшавӣ, омода ва пешниҳоди анкетаи нозирон, иҷрои бандҳои қарори Мушовара, харидорӣ намудани колбаҳои ҷамъкунандаи симоб барои таҷҳизоти коркарди лампаҳои каммасрафи аз истифода баромадаи ҶҚ “Чароғ”, рафти иҷрои Барномаҳои соҳавӣ супоришҳои мушаххас дода шуд.